കോഴിക്കോട്: കൊടുവള്ളിയിൽ മോഷണക്കുറ്റം ആരോപിച്ച് 12കാരനെ പിതാവിന്റെ സഹോദരനും ഭാര്യയും മകനും ചേർന്ന് ക്രൂരമായി മർദിച്ച സംഭവത്തിൽ പ്രതികളെ ഇതുവരെ പിടികൂടാനായില്ല. വാച്ച് മോഷ്ടിച്ചെന്നാരോപിച്ചാണ് കിഴക്കോത്ത് സ്വദേശിയായ കുട്ടിയെ പിതാവിന്റെ സഹോദരൻ വീട്ടിലേക്ക് കൂട്ടിക്കൊണ്ടുപോയി മർദിച്ചത്. സംഭവം വിവാദമായതിനെ തുടർന്ന് കൊടുവള്ളി പൊലീസ് കേസെടുത്തിരുന്നു. കുട്ടിയെ വായിൽ തുണി തിരുകി കമ്പികൊണ്ട് മർദിക്കുകയും മുറിവുകളിൽ നാരങ്ങാനീരും ഉപ്പും പുരട്ടുകയും ചെയ്തതായി കുട്ടിയുടെ സഹോദരൻ പറഞ്ഞു. കൈവിരലുകളിലും കാലിലെ വിരലുകളിലും ഈർക്കിൽ കുത്തിക്കയറ്റിയതായും അദ്ദേഹം ആരോപിച്ചു. മർദനത്തിനിടെ കുട്ടി […]