ന്യൂഡല്ഹി: ലോക്സഭയുടെ ആകെ അംഗബലം 543 ല് നിന്ന് 850 ആയി വര്ധിപ്പിക്കുന്നത് പരിഗണിച്ച് കേന്ദ്ര സര്ക്കാര്. വിപുലീകരണം നിര്ദേശിക്കുന്ന ഒരു കരട് ബില് പാര്ലമെന്റ് അംഗങ്ങള്ക്ക് വിതരണം ചെയ്തു. ഇതനുസരിച്ച്, 850 സീറ്റുകളില് 815 സീറ്റുകള് സംസ്ഥാനങ്ങള്ക്ക് അനുവദിക്കും, 35 സീറ്റുകള് കേന്ദ്രഭരണ പ്രദേശങ്ങള്ക്കായി നീക്കിവയ്ക്കും.
ഭരണഘടന ഭേദഗതി ചെയ്യുന്നതിനുള്ള ശ്രമങ്ങള്ക്ക് മുന്നോടിയായി സര്ക്കാര് ഈ കരട് നിയമനിര്മ്മാണം എംപിമാരുമായി പങ്കിട്ടു. 2029 ലെ പൊതുതെരഞ്ഞെടുപ്പ് മുതല് മാറ്റങ്ങള് പ്രാബല്യത്തില് വരും. പാര്ലമെന്റിന്റെ ശക്തി വര്ധിപ്പിക്കാന് ഈ നീക്കം സഹായിക്കുമെന്നാണ് കേന്ദ്രം അറിയിച്ചത്.
