തിരുവനന്തപുരം: യുഡിഎഫ് മന്ത്രിസഭാ രൂപീകരണത്തില് ചാണ്ടി ഉമ്മനെ ഒഴിവാക്കിയതില് ഉമ്മന് ചാണ്ടിയുടെ കുടുംബത്തിന് നീരസമെന്ന് സൂചനകള്. വിഡിഎസ് സര്ക്കാരിന്റെ സത്യപ്രതിജ്ഞാ ചടങ്ങില് വിട്ടുനിന്നത് ഇതുമൂലമാണെന്നാണ് റിപ്പോര്ട്ട്. ഉമ്മന് ചാണ്ടിയുടെ ഭാര്യ മറിയാമ്മ ഉമ്മനും മകള് മറിയ ഉമ്മനും ചടങ്ങില് പങ്കെടുക്കാത്തത് ശ്രദ്ധേയമായിരുന്നു.
സത്യപ്രതിജ്ഞയ്ക്ക് ശേഷം തിങ്കളാഴ്ച വൈകിട്ട് എ കെ ആന്റണിയെ ചാണ്ടി ഉമ്മനും മറിയാമ്മയും വീട്ടിലെത്തി കണ്ടിരുന്നു. എന്നാല് പ്രത്യേക കാരണങ്ങളാലല്ല സത്യപ്രതിജ്ഞാ ചടങ്ങില് പങ്കെടുക്കാത്തതെന്ന് മകള് മറിയ ഉമ്മന് പറഞ്ഞു. സത്യപ്രതിജ്ഞാ ചടങ്ങില് സഹോദരിയുടെ പുത്രനൊപ്പമാണ് ചാണ്ടി ഉമ്മന് എത്തിയത്. പൊതുജനത്തിനുള്ള ഗേറ്റിലൂടെയാണ് ഉള്ളില് പ്രവേശിച്ചത്.
