ചെന്നൈ: ഇന്ത്യന് പ്രീമിയര് ലീഗില് പഞ്ചാബ് കിംഗ്സിനോടും തോല്വി വഴങ്ങി ചെന്നൈ സൂപ്പര് കിംഗ്സ്. ചെപ്പോക്കില് നടന്ന മത്സരത്തില് അഞ്ച് വിക്കറ്റിനാണ് ചെന്നൈയെ പഞ്ചാബ് തകര്ത്തത്. ചെന്നൈ ഉയര്ത്തിയ 210 റണ്സ് വിജയലക്ഷ്യത്തിലേക്ക് എട്ട് പന്ത് ബാക്കിനില്ക്കെ അഞ്ച് വിക്കറ്റ് നഷ്ടത്തില് പഞ്ചാബ് മറികടന്നു. പഞ്ചാബിന് വേണ്ടി ക്യാപ്റ്റന് ശ്രേയസ് അയ്യര് അര്ധ സെഞ്ച്വറി നേടി. സീസണില് ചെന്നൈയുടെ രണ്ടാം തോല്വി.
ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ചെന്നൈ നിശ്ചിത 20 ഓവറില് അഞ്ച് വിക്കറ്റ് നഷ്ടത്തില് 209 റണ്സാണ് അടിച്ചെടുത്തത്. യുവതാരം ആയുഷ് മാത്രെയുടെ അര്ധ സെഞ്ച്വറിയും ദുബെയുടെ അപരാജിത ഇന്നിങ്സുമാണ് ചെന്നൈയ്ക്ക് കരുത്തായത്. മലയാളി താരം സഞ്ജു സാംസണ് ചെന്നൈ കുപ്പായത്തില് തുടര്ച്ചയായ രണ്ടാം മത്സരത്തിലും നിരാശപ്പെടുത്തി.
