ന്യൂഡല്ഹി: യുപിഎസ്സി സിവില് സര്വീസസ് പ്രിലിമിനറി പരീക്ഷ 2026 അഡ്മിറ്റ് കാര്ഡ് പ്രസിദ്ധീകരിച്ചു. യുപിഎസ്സിയുടെ വെബ്സൈറ്റില് കയറി അഡ്മിററ് കാര്ഡ് ഡൗണ്ലോഡ് ചെയ്യാം. മേയ് 24നാണ് പ്രിലിമിനറി പരീക്ഷ.
അപേക്ഷാ നടപടികള് വിജയകരമായി പൂര്ത്തിയാക്കിയ ഉദ്യോഗാര്ഥികള്ക്ക് അഡ്മിറ്റ് കാര്ഡ് ഡൗണ്ലോഡ് ചെയ്യാവുന്നതാണെന്ന് അധികൃതര് അറിയിച്ചു. ഈ വര്ഷം 933 ഒഴിവുകളാണുള്ളത്. ഉദ്യോഗാര്ഥികള്ക്ക് തങ്ങളുടെ രജിസ്റ്റര് ചെയ്ത മൊബൈല് നമ്പര്, ഇ-മെയില് ഐഡി (Email ID) അല്ലെങ്കില് യുആര്എന് (URN) എന്നിവ ഉപയോഗിച്ച് യുപിഎസ്സി ആപ്ലിക്കേഷന് പോര്ട്ടലില് ലോഗിന് ചെയ്ത് അഡ്മിറ്റ് കാര്ഡ് ഡൗണ്ലോഡ് ചെയ്യാവുന്നതാണ്.
അവസാന നിമിഷത്തെ സാങ്കേതിക തടസ്സങ്ങള് ഒഴിവാക്കാന് പരീക്ഷാ ദിവസത്തിന് മുന്നോടിയായി തന്നെ അപേക്ഷകര് അഡ്മിറ്റ് കാര്ഡ് ഡൗണ്ലോഡ് ചെയ്ത് പ്രിന്റ് എടുക്കാന് ശ്രദ്ധിക്കുക. പരീക്ഷാ കേന്ദ്രത്തിലേക്ക് പോകുമ്പോള് അഡ്മിറ്റ് കാര്ഡിന്റെ പ്രിന്റഡ് കോപ്പിയും ഒപ്പം സാധുവായ ഒരു ഫോട്ടോ ഐഡന്റിറ്റി കാര്ഡും കരുതേണ്ടതാണ്. ഹാള് ടിക്കറ്റ് ഇല്ലാതെ ഉദ്യോഗാര്ഥികളെ പരീക്ഷാ ഹാളില് പ്രവേശിപ്പിക്കുന്നതല്ലെന്നും അധികൃതര് അറിയിച്ചു.
