കൊച്ചി: നടിയും പ്രൊഡ്യൂസറുമായ സാന്ദ്ര തോമസിന് നേരെ വധഭീഷണി ഉയർത്തിയ പ്രൊഡക്ഷന് കണ്ട്രോളര് റെനി ജോസഫിനെ സസ്പെൻഡ് ചെയ്തതായി റിപ്പോർട്ട്. ഫെഫ്ക പ്രൊഡക്ഷന് എക്സിക്യൂട്ടീവ് യൂണിറ്റാണ് ഇയാളെ സസ്പെൻഡ് ചെയ്തത്. തനിക്കെതിരെ വധഭീഷണി ഉയർന്നിട്ടും ഫെഫ്ക ജനറല് സെക്രട്ടറി നടപടിയെടുത്തില്ലെന്ന് സാന്ദ്ര പ്രതികരിച്ചിരുന്നു.
ഇതിന് പിന്നാലെയാണ് സസ്പെൻഷൻ നടപടി. ഒരു വാട്സാപ്പ് ഗ്രൂപ്പിലായിരുന്നു സാന്ദ്രക്ക് നേരെ വധഭീഷണി ഉയർന്നത്. കൂടാതെ സാന്ദ്രയുടെ പിതാവ് തോമസിനെ കൊല്ലുമെന്നും ഓഡിയോ സന്ദേശത്തില് ഭീഷണപ്പെടുത്തിയിരുന്നു. റെനി ജോസഫിനെ കൂടാതെ മുകേഷ് തൃപ്പൂണിത്തുറയുടെയും ഒരു ശബ്ദസന്ദേശം പുറത്ത് വന്നിട്ടുണ്ട് .
