ഭക്ഷണത്തിന് മുമ്പും ശേഷവും ചായയോ കാപ്പിയോ കുടിക്കുന്ന ശീലമുണ്ടോ? ഭക്ഷണം കഴിഞ്ഞ് കുറഞ്ഞത് ഒരു മണിക്കൂറെങ്കിലും ചായയോ കാപ്പിയോ ഒഴിവാക്കണമെന്ന് ഐസിഎംആര് നിര്ദേശം. ചായയിലും കാപ്പിയിലും അടങ്ങിയ ടാന്നിന് ആണ് വില്ലനാകുന്നത്. ഇത് ശരീരത്തിലെ ഇരുമ്പിന്റെ ആഗിരണം കുറയ്ക്കും.
ആമാശയത്തിലെ ഇരുമ്പുമായി ബന്ധിപ്പിക്കുന്നതാണ് പ്രശ്നം. ഇരുമ്പ് ശരിയായി ആഗിരണം ചെയ്യുന്നത് തടയുന്നു. ഇരുമ്പിന്റെ അപര്യാപ്തതയ്ക്കും അനീമിയ പോലുള്ള ആരോഗ്യപ്രശ്നങ്ങള്ക്കും ഇത് കാരണമാകും.
അമിതമായി കാപ്പി കുടിക്കുന്നത് ഉയര്ന്ന രക്തസമ്മര്ദ്ദത്തിനും ഹൃദയ സംബന്ധമായ പ്രശ്നങ്ങള്ക്കും കാരണമാകുമെന്ന് റിപ്പോര്ട്ടില് പറയുന്നു.
എന്നാല് കട്ടന് ചായ കുടിക്കുന്നത് മെച്ചപ്പെട്ട രക്തചംക്രമണം, കൊറോണറി ആര്ട്ടറി രോഗങ്ങള്, വയറ്റിലെ ക്യാന്സര് തുടങ്ങിയ അവസ്ഥകളുടെ അപകടസാധ്യത കുറയ്ക്കുമെന്നും പഠനം പറയുന്നുണ്ട്.
