പൂനെ: ട്രക്കുകൾക്കിടയിൽ കാർ ഇടിച്ചുകയറിയുണ്ടായ അപകടത്തിൽ എട്ടു പേർക്ക് ദാരുണാന്ത്യം. പൂനെയിലെ നവലെ പാലത്തിന് സമീപമായിരുന്നു സംഭവം. ഇന്ന് വൈകിട്ടോടെയുണ്ടായ അപകടത്തിൽ 15 പേർക്ക് പരിക്കേൽക്കുകയും ചെയ്തു.

ട്രക്കുകൾക്കിടയിൽ കുടുങ്ങിയ കാർ പൂർണമായും തകർന്നു. അഗ്നിശമനസേന ഉടൻ സ്ഥലത്ത് എത്തുകയും രക്ഷാപ്രവർത്തനങ്ങൾ ആരംഭിക്കുകയും ചെയ്തു. അപകടത്തെ തുടർന്ന് ദേശീയ പാതയിലെ ഗതാഗതം പൂർണ്ണമായും നിർത്തിവച്ചു. പരിക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചതായി പൊലീസ് പറഞ്ഞു. അപകടത്തിൽ മരിച്ചവരുടെ കുടുംബങ്ങൾക്ക് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്‌നാവിസ് അഞ്ചുലക്ഷം രൂപ നഷ്ടപരിഹാരം പ്രഖ്യാപിച്ചു.