ദുബായ്: പസഫിക് സമുദ്രത്തിൽ രൂപംകൊള്ളുന്ന എൽ നിനോ പ്രതിഭാസം യുഎഇയിലും പ്രവാസ ലോകത്തും കാലാവസ്ഥയിൽ വലിയ മാറ്റങ്ങൾ ഉണ്ടാക്കാമെന്ന് റിപ്പോർട്ട്. ജൂലൈ മുതൽ നവംബർ വരെയുള്ള കാലയളവിൽ എൽ നിനോ രൂപപ്പെടാനുള്ള സാധ്യത 98 ശതമാനമാണെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.

എൽ നിനോ പ്രതിഭാസത്തിന്റെ സ്വാധീനത്തിൽ യുഎഇയിൽ വരും ദിവസങ്ങളിൽ ചൂടും ഈർപ്പവും വർധിക്കാനിടയുണ്ടെന്നാണ് വിലയിരുത്തൽ. കാലാവസ്ഥാ മാറ്റങ്ങൾ കൂടുതൽ ശക്തമാകാമെന്ന മുന്നറിയിപ്പും അധികൃതർ നൽകുന്നു.