വർക്കല: തിരുവനന്തപുരം വർക്കലയിൽ വിദേശ വനിത സഞ്ചരിച്ച ഇരുചക്ര വാഹനത്തിൽ അജ്ഞാത വാഹനമിടിക്കുകയായിരുന്നു. ഫ്രാൻസ് സ്വദേശിനിയായ 63കാരി ക്രിസ്റ്റിൻ ആണ് അപകടത്തിൽപ്പെട്ടത്. ഇടിച്ച വാഹനം സ്ഥലത്ത് നിന്നുപോലും നിർത്താതെ പോയതിനെ തുടർന്ന് വർക്കല പോലീസ് ഹിറ്റ് ആൻഡ് റൺ കേസ് രജിസ്റ്റർ ചെയ്തു. ക്രിസ്റ്റിൻ സഞ്ചരിച്ച ഇരുചക്ര വാഹനത്തിൽ മറ്റൊരു വാഹനം അതിവേഗത്തിൽ ഇടിച്ചതായിയാണ് പ്രാഥമിക വിവരം. തെറിച്ച് വീണ ക്രിസ്റ്റിന് തലയ്ക്കും ശരീരത്തിലെ മറ്റു ഭാഗങ്ങൾക്കും ഗുരുതര പരിക്കുകൾ സംഭവിച്ചു. ഉടൻ തന്നെ വർക്കലയിലെ സ്വകാര്യ ആശുപത്രിയിൽ പ്രവേശിപ്പിച്ചു. നിലവിൽ ചികിത്സ തുടരുകയാണ്.
വർക്കല പോലീസ് സംഭവസ്ഥലത്തെത്തി പ്രാഥമിക തെളിവുകൾ ശേഖരിച്ചു. സമീപ വ്യാപാര സ്ഥാപനങ്ങളിലെയും റോഡിലെയും സിസിടിവി ദൃശ്യങ്ങൾ വിശദമായി പരിശോധിക്കുകയാണ്. ഹിറ്റ് ആൻഡ് റൺ വാഹനത്തെ കണ്ടെത്തുന്നതിനായി നഗരത്തിലെ പ്രധാന പാതകളിലും പരിശോധന ശക്തമാക്കിയിട്ടുണ്ട്. വർക്കലയിൽ വിദേശികൾ ധാരാളമായി എത്തുന്ന സാഹചര്യത്തിൽ ഇത്തരം അപകടങ്ങൾ വലിയ ആശങ്കയ്ക്ക് കാരണമായിട്ടുണ്ടെന്നും, കുറ്റവാളിയെ ഉടൻ പിടികൂടുമെന്നും പൊലീസ് അറിയിച്ചു.
