കൊച്ചി: ആഗോള അയ്യപ്പ സംഗമത്തില് പങ്കെടുക്കുന്നതിനുള്ള യാത്രാ ചെലവിന് ക്ഷേത്ര ഫണ്ട് ഉപയോഗിക്കാമെന്ന മലബാര് ദേവസ്വം ഉത്തരവ് ഹൈക്കോടതി സ്റ്റേ ചെയ്തു. മലബാര് ദേവസ്വത്തിന് കീഴിലെ ജീവനക്കാര്ക്കായിരുന്നു ക്ഷേത്രം ഫണ്ട് ഉപയോഗിക്കാം എന്ന നിര്ദേശം ഉണ്ടായിരുന്നത്. യാത്രാ ചിലവുകള്ക്ക് അതത് ക്ഷേത്രഫണ്ടില് നിന്ന് പണം നല്കാനായിരുന്നു നിര്ദേശം. മലബാര് ദേവസ്വം കമ്മീഷണറുടെ ഉത്തരവാണ് ഹൈക്കോടതി സ്റ്റേ ചെയ്തത്. ക്ഷേത്ര ഫണ്ടില് നിന്ന് പണം എന്തിന് നല്കണമെന്നാണ ഹൈക്കോടതി ചോദിച്ചത്. എന്തിനാണ് ഇത്തരമൊരു ഉത്തരവിറക്കിയതെന്നും മലബാര് ദേവസ്വം ബോര്ഡിനോട് കോടതി ചോദിച്ചു. ഹര്ജി അടുത്തയാഴ്ച വീണ്ടും പരിഗണിക്കും.
ആഗോള അയ്യപ്പ സംഗമം നാളെ നടക്കാനിരെക്കെയാണ് കോടതിയുടെ ഇടപെടല്. സംഗമത്തിനായുള്ള ഒരുക്കങ്ങള് പമ്പയില് പൂര്ത്തിയായി. 3000 ത്തിലധികം പ്രതിനിധികള് അയ്യപ്പസംഗമത്തില് പങ്കെടുക്കും. രാവിലെ 9.30ന് മുഖ്യമന്ത്രി പിണറായി വിജയന് ചടങ്ങ് ഉദ്ഘാടനം ചെയ്യും. 3 സെഷനുകളായാണ് ചര്ച്ചകള് സംഘടിപ്പിക്കുക. ആഗോള അയ്യപ്പ സംഗമത്തില് വിവിഐപികള് അടക്കം 3000 ത്തിലധികം പ്രതിനിധികള് പങ്കെടുക്കും.
