തിരുവനന്തപുരം: സ്വര്ണ്ണപ്പാളി വിവാദത്തില് വിശദമായ ചര്ച്ചയ്ക്ക് ഒരുങ്ങി ദേവസ്വം ബോര്ഡ്. ദ്വാരപാലക ശില്പങ്ങളുടെ അറ്റകുറ്റപ്പണിയുമായി ബന്ധപ്പെട്ട മുഴുവന് ഫയലുകളും ബോര്ഡ് പരിശോധിക്കും. ഇന്നും നാളെയുമായി ചേരുന്ന യോഗത്തിന്റെ അജണ്ടയില് വിഷയം ഉള്പ്പെടുത്തിയിട്ടുണ്ട്. കുറ്റക്കാരായി കണ്ടെത്തുന്നവര്ക്കെതിരെ കര്ശന നടപടി സ്വീകരിക്കാനാണ് തീരുമാനം.
അതേസമയം സ്വര്ണപ്പാളി വിവാദത്തില് ഹൈക്കോടതി നിയോഗിച്ച പ്രത്യേക സംഘം അന്വേഷണത്തിലേക്ക് കടക്കും. എഡിജിപി എച്ച് വെങ്കിടേഷിന്റെ നേതൃത്വത്തില് എസ്ഐടി യോഗം ഈ ആഴ്ച നടക്കും. അന്വേഷ സംഘത്തിലെ മറ്റ് ഉദ്യോഗസ്ഥര്ക്ക് തിരുവനന്തപുരത്ത് എത്താന് നിര്ദേശം. സ്വര്ണപ്പാളിയുമായി ബന്ധപ്പെട്ട രേഖകള് ദേവസ്വം വിജിലന്സ് എസ്ഐടിക്ക് കൈമാറും. അതേസമയം സ്വര്ണപ്പാളി വിവാദത്തില് സര്ക്കാരിനെ കൂടുതല് പ്രതിരോധത്തിലാക്കാനാണ് പ്രതിപക്ഷം തീരുമാനം. നിയമസഭയില് ഇന്നും പ്രതിഷേധം കടുപ്പിക്കും.
ഇതിനിടെ ശബരിമല സ്വര്ണപാളി മോഷണത്തില് കുറ്റക്കാര്ക്കെതിരെ മുഖം നോക്കാതെ നടപടിയെന്ന് ദേവസ്വം മന്ത്രി വി എന് വാസവന് മാധ്യമങ്ങളോട് പറഞ്ഞു. ആരൊക്കെയാണെങ്കിലും വിട്ടുവീഴ്ചയുടെ പ്രശ്നമില്ല.
ഉണ്ണികൃഷ്ണന് പോറ്റി എന്തുപറയുന്നു അതുതന്നെ പ്രതിപക്ഷനേതാവും പറയുന്നു. ഇവര് തമ്മിലുള്ള ബന്ധവും അന്വേഷിക്കും. യുഡിഎഫ് കാലത്തും അഴിമതി ഉണ്ടായിട്ടുണ്ട്. അതുകൂടി ചേര്ത്ത് അന്വേഷിച്ച് എല്ലാ കാര്യങ്ങളും പുറത്തു വരട്ടെയെന്നും സമഗ്രമായ അന്വേഷണം വേണമെന്നാണ് സര്ക്കാര് കോടതിയെ അറിയിച്ചതെന്നും അദ്ദേഹം പറഞ്ഞു
