ചെന്നൈ: സോപ്പ് നിര്മ്മാണ കമ്പനിയായ ‘പവര് സോപ്പ്’ല് നിന്ന് ഒരു കോടി രൂപ നഷ്ടപരിഹാരം ആവശ്യപ്പെട്ട് തെന്നിന്ത്യന് നടി തമന്ന ഭാട്ടിയ സമര്പ്പിച്ച ഹര്ജി മദ്രാസ് ഹൈക്കോടതി തള്ളി. കരാര് കാലാവധി കഴിഞ്ഞിട്ടും തന്റെ ചിത്രങ്ങള് പരസ്യത്തിനായി ഉപയോഗിച്ചു എന്നാരോപിച്ചാണ് തമ്മന്ന കോടതിയിലെത്തിയത്.
2005ലാണ് പവര് സോപ്പിന്റെ ബ്രാന്ഡ് അംബാസഡറായി തമന്ന കരാറിലെത്തുന്നത്. ഈ കരാറിന്റെ കാലാവധി അവസാനിച്ച ശേഷവും കമ്പനി തന്റെ ചിത്രങ്ങള് ഉത്പന്നങ്ങളുടെ പായ്ക്കറ്റുകളിലും പരസ്യങ്ങളിലും ഉപയോഗിക്കുന്നത് തുടരുകയാണെന്നും ഇത് തന്റെ പ്രശസ്തിയെ ബാധിക്കുന്നുവെന്നുമാണ് തമന്ന കോടതിയില് വാദിച്ചത്.
എന്നാല് കരാര് കാലാവധിക്ക് ശേഷം കമ്പനി ഈ ചിത്രങ്ങള് ഉപയോഗിച്ചുവെന്ന് തെളിയിക്കാന് മതിയായ രേഖകള് ഹാജരാക്കാന് താരത്തിന് സാധിച്ചില്ലെന്ന് കോടതി പറഞ്ഞു.
