Whiteswan Tv - News
Sunday, Feb 22, 2026
സധൈര്യം ജനങ്ങൾക്കൊപ്പം

IPL 2027; ഡൽഹി ക്യാപിറ്റൽസിന്റെ മുഖ്യ പരിശീലകനായി സൗരവ് ഗാംഗുലി

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo. Aliquam non leo id magna vulputate dapibus. Curabitur a porta metus. In viverra ipsum nec vehicula pharetra. Proin egestas nulla velit, id faucibus mi ultrices et.

ന്യൂഡൽഹി: ഇന്ത്യൻ പ്രീമിയർ ലീഗിന്റെ 2027 സീസണിൽ ഡൽഹി ക്യാപിറ്റൽസിന്റെ മുഖ്യ പരിശീലകനായി മുൻ ഇന്ത്യൻ ക്യാപ്റ്റൻ സൗരവ് ഗാംഗുലിയെ നിയമിച്ചു. ഫ്രാഞ്ചൈസിയുമായി വർഷങ്ങളായി വിവിധ ചുമതലകളിൽ പ്രവർത്തിച്ച ശേഷമാണ് ഗാംഗുലി ആദ്യമായി ഡൽഹിയുടെ ഹെഡ് കോച്ച് സ്ഥാനത്തെത്തുന്നത്.

2019ൽ ഉപദേഷ്ടാവായാണ് ഗാംഗുലി ഡൽഹി ക്യാപിറ്റൽസുമായി ചേർന്നത്. പിന്നീട് പുരുഷ-വനിതാ ടീമുകളുടെ ഡയറക്ടർ ഓഫ് ക്രിക്കറ്റ് ഉൾപ്പെടെ വിവിധ ചുമതലകൾ വഹിച്ചു. ഐപിഎല്ലിൽ ഡൽഹി ക്യാപിറ്റൽസിന്റെ മുഖ്യ പരിശീലകനാകുന്നത് അദ്ദേഹത്തിന്റെ ആദ്യ അവസരമാണ്.

കഴിഞ്ഞ രണ്ട് സീസണുകളിൽ ടീമിനെ പരിശീലിപ്പിച്ച ഹേമംഗ് ബദാനിക്ക് പകരമാണ് ഗാംഗുലി എത്തുന്നത്. ബദാനിക്കൊപ്പം ഡയറക്ടർ ഓഫ് ക്രിക്കറ്റ് വേണുഗോപാൽ റാവു, ബൗളിങ് കോച്ച് മുനാഫ് പട്ടേൽ, അസിസ്റ്റന്റ് കോച്ച് ഇയാൻ ബെൽ എന്നിവരടങ്ങിയ പരിശീലക സംഘത്തെയും ഡൽഹി ക്യാപിറ്റൽസ് മാറ്റിയിട്ടുണ്ട്. 2026 സീസണിൽ ഡൽഹി ആറാം സ്ഥാനത്താണ് ഫിനിഷ് ചെയ്തത്.

ഗാംഗുലിയുടെ പുതിയ പരിശീലക സംഘത്തിൽ മുൻ ഇന്ത്യൻ ഓൾറൗണ്ടർ യുവരാജ് സിങ് ഉൾപ്പെടുമെന്ന റിപ്പോർട്ടുകളുണ്ട്. എന്നാൽ പുതിയ പരിശീലക സംഘത്തിലെ മുഴുവൻ അംഗങ്ങളെയും ഫ്രാഞ്ചൈസി ഇതുവരെ ഔദ്യോഗികമായി പ്രഖ്യാപിച്ചിട്ടില്ല.

ഇതിന് മുമ്പ് സൗത്ത് ആഫ്രിക്കൻ ടി20 ലീഗിൽ പ്രിട്ടോറിയ ക്യാപിറ്റൽസിന്റെ മുഖ്യ പരിശീലകനായും ഗാംഗുലി പ്രവർത്തിച്ചിരുന്നു. ഐപിഎൽ 2027ന് മുന്നോടിയായുള്ള ടീമിന്റെ തന്ത്രങ്ങളും താരലേലത്തിനുള്ള ഒരുക്കങ്ങളും ഇനി ഗാംഗുലിയുടെ നേതൃത്വത്തിലാകും നടക്കുക.

ക്യാപ്റ്റൻ അക്സർ പട്ടേലും കെ.എൽ. രാഹുലും ഉൾപ്പെടുന്ന ഡൽഹിയുടെ നിലവിലെ നേതൃനിരയ്ക്കൊപ്പമാകും ഗാംഗുലി പ്രവർത്തിക്കുക. 2026 സീസണിന് ശേഷം റിഷഭ് പന്തിനെയും ഡൽഹി ക്യാപിറ്റൽസ് ടീമിലേക്ക് തിരിച്ചെത്തിച്ചിട്ടുണ്ട്.

വൈറ്റ്സ്വാൻ ടിവി ന്യൂസിന്റെ ഏറ്റവും പുതിയ വാർത്തകൾ ഇനി വാട്സ്ആപ്പ് വഴിയും ലഭിക്കും.

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Recent News

Advertisement
WhiteswanTV Footer – WordPress Mobile Fix