തിരുവനന്തപുരം: ആശ വര്ക്കര്മാരുടെ ഓണറേറിയം വര്ധിപ്പിച്ചുള്ള ഉത്തരവ് ഇറങ്ങി. നവംബര് ഒന്ന് മുതല് 8000 രൂപ ആക്കിയാണ് ഉത്തരവ്. ഈ മാസം മുതല് ആശമാര്ക്ക് 8000 രൂപ ലഭിച്ചു തുടങ്ങും.
1000 രൂപയുടെ വര്ധനവാണ് കേരള സര്ക്കാര് വരുത്തിയത്. 26,125 ആശാ വര്ക്കര്മാര്ക്കാണ് ഇതിന്റെ പ്രയോജനം ലഭിക്കുക.
പ്രതിവര്ഷം 250 കോടി രൂപ ഇതിന് ചെലവാകുക. അതോടൊപ്പം ഇതേവരെയുള്ള കുടിശ്ശിക മുഴുവന് നല്കുമെന്നും മുഖ്യമന്ത്രി പ്രഖ്യാപിച്ചിരുന്നു.
ഓണറേറിയം വര്ധിപ്പിക്കണമെന്നാവശ്യപ്പെട്ട് ആശാ വര്ക്കര്മാര് സെക്രട്ടറിയേറ്റിന് മുന്നില് ഏറെ നാളായി സമരത്തിലായിരുന്നു.
മുഖ്യമന്ത്രി പ്രഖ്യാപനത്തിന് പിന്നാലെ 266 ദിവസം നീണ്ടു നിന്ന് രാപ്പകല് സമരം ആശ വര്ക്കര്മാര് അവസാനിപ്പിച്ചിരുന്നു. എന്നാല്, ഓണറേറിയം 21000 രൂപയായി വര്ദ്ധിപ്പിക്കുകയും വിരമിക്കല് ആനുകൂല്യം അഞ്ച് ലക്ഷം രൂപ അനുവദിക്കുകയും ചെയ്യുന്നത് വരെ പ്രാദേശിക തലങ്ങളില് സമരം തുടരാനാണ് തീരുമാനം.
