തിരുവനന്തപുരം: എറണാകുളം ജില്ലയിലെ കിഴക്കമ്പലത്ത് ഭൂമി കുടിയൊഴിപ്പിക്കലുമായി ബന്ധപ്പെട്ട പൊലീസ് നടപടികളെ സംബന്ധിച്ച് സമഗ്രമായ അന്വേഷണം നടത്തി മൂന്ന് ദിവസത്തിനകം റിപ്പോര്ട്ട് സമര്പ്പിക്കാന് ആഭ്യന്തര മന്ത്രി രമേശ് ചെന്നിത്തല വകുപ്പ് സെക്രട്ടറിക്ക് കത്ത് നല്കി.
ആഭ്യന്തര വകുപ്പ് അഡീഷണല് ചീഫ് സെക്രട്ടറി ബിശ്വനാഥ് സിന്ഹക്ക് നല്കിയ കത്തിലാണ് പോലീസ് മേധാവി റവാഡാ ചന്ദ്രശേഖരന് മൂന്നു ദിവസത്തിനുള്ളില് അന്വേഷണ റിപ്പോര്ട്ട് സമര്പ്പിക്കണമെന്ന് നിര്ദേശം നല്കിയത്.
ഈ വിഷയത്തില് പൊലീസിന്റെ നടപടികളില് എന്തെങ്കിലും പോരായ്മകളോ വീഴ്ചകളോ സംഭവിച്ചിട്ടുണ്ടോ എന്ന് അന്വേഷിക്കാനും ഇത്തരത്തിലുള്ള സന്ദര്ഭങ്ങള് ഭാവിയില് ഉണ്ടാകുന്ന പക്ഷം അത് പരിഹരിക്കാന് വേണ്ട നിര്ദേശങ്ങള് സമര്പ്പിക്കണമെന്നും അഡീഷണല് ചീഫ് സെക്രട്ടറിക്ക് നല്കിയ കത്തില് ആഭ്യന്തരമന്ത്രി ആവശ്യപ്പെട്ടിട്ടുണ്ട്.
