മലപ്പുറം: ആഗോളതലത്തിൽ വർദ്ധിച്ചുവരുന്ന തൊഴിൽ-സാംസ്കാരിക സാധ്യതകൾ പ്രയോജനപ്പെടുത്താൻ അറബിഭാഷാ പഠനം കാലഘട്ടത്തിന്റെ അനിവാര്യതയാണെന്ന് പാണക്കാട് സയ്യിദ് മുനവ്വറലി ശിഹാബ് തങ്ങൾ. കേരള അറബിക് ടീച്ചേഴ്സ് ഫെഡറേഷൻ (KATF) മലപ്പുറം ജില്ലാ സമ്മേളനം ചെമ്മാട് കോ-ഓപ്പറേറ്റീവ് ഓഡിറ്റോറിയത്തിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അറബി ഭാഷയുടെ സാധ്യതകൾ പുതിയ തലമുറയ്ക്ക് പകർന്നുനൽകുന്നതിൽ അധ്യാപകർക്ക് വലിയ പങ്കുണ്ട്.
മാറുന്ന ലോകത്തിനനുസരിച്ച് പഠനരീതികളിലും നൈപുണ്യ വികസനത്തിലും അധ്യാപകർ ശ്രദ്ധ കേന്ദ്രീകരിക്കണമെന്നും അദ്ദേഹം കൂട്ടിച്ചേർത്തു.ശനിയാഴ്ച നടന്ന സമ്മേളനത്തിൽ ജില്ലാ പ്രസിഡന്റ് എൻ.ടി. ഹമീദലി അധ്യക്ഷത വഹിച്ചു. വിദ്യാഭ്യാസ സമ്മേളനത്തിന്റെ ഉദ്ഘാടനം പി.കെ. അബ്ദുൽ ഹമീദ് എം.എൽ.എ നിർവ്വഹിച്ചു. കെ.എ.ടി.എഫ് ജില്ലാ ജനറൽ സെക്രട്ടറി എം.പി. ഫസൽ സ്വാഗതം പറഞ്ഞു. സമ്മേളനത്തിൽ സംസ്ഥാന ജനറൽ സെക്രട്ടറി മൻസൂർ മാടമ്പാട്ട് പ്രമേയ പ്രഭാഷണം നിർവ്വഹിച്ചു. ടി.പി.എം ബഷീർ ഭാഷാ ‘അനുസ്മരണ പ്രഭാഷണം നടത്തി.
ഇസ്ഹാഖ് കാരാട്ട്, പ്രോഗ്രാം കൺവീനർ മുനീർ താനാളൂർ, ടി.പി. അബ്ദുൽ ഹഖ്, കുഞ്ഞിപ്പ മാസ്റ്റർ, ലത്തീഫ് മംഗലശേരി, കെ.എം. ഷാഫി , സുബൈദ ടീച്ചർ, യു.എ.റസാഖ്, സുഫ് യാൻ അബ്ദുസലാം , ടി.ടി. മുഹമ്മദ് ഷഫീഖ്, കെ.എ അനീസ് , ഷബീർ മുളമ്പാറ, പി.കെ. സിയാദ്, സി.പി. മുഹമ്മദ് കുട്ടി, ടി.സി. അബ്ദുൽ ലത്തീഫ്, സി.എം സജീബ്, കെ.പി. വഹീദ , സ്ഥത്തറലി വളരാടൻ, എം.ഫൈറൂസ് , എ.പി. സുബൈർ മുഹ്സിൻ ,അൻവർ സാദത്ത്,ഫറഫുദ്ധീൻ ഹസ്സൻ,കെ.ശലബി അഹമ്മദ്, എം.പി. ബുഷ്റ, മുസ്തഫ കോഴിച്ചെന, സി.എച്ച് ഷമീർ,ജാബിർ മുഹ്യുദീൻ,വി. ഹൈദറലി, മുജീബ് റഹ്മാൻ ചുള്ളിപ്പാറ, കെ. മുഹമ്മദ് അഷ്റഫ്, എം.ടി. റഷീദ്, ഹുസൈൻ പാറാൽ , എം.എൻ റഫീഖ്, എം.പി. മൻസൂർ, ഒ. ഹാരിസ്, കെ ഹബീബ , മുജാഹിദ് പനക്കൽ,പി.പി. അബ്ദുൽ നാസർ, എം.പി. അബ്ദുൽ സലാം തുടങ്ങിയ പ്രമുഖർ സംസാരിച്ചു. ജില്ലയിലെ വിവിധ ഉപജില്ലകളിൽ നിന്നായി നൂറുകണക്കിന് അറബി അധ്യാപകർ സമ്മേളനത്തിൽ പങ്കെടുത്തു. ഭാഷാ പഠനത്തിലെ പുതിയ പ്രവണതകളും അധ്യാപകർ നേരിടുന്ന വെല്ലുവിളികളും ചർച്ച ചെയ്യുന്ന വിവിധ സെഷനുകൾ സമ്മേളനത്തിന്റെ ഭാഗമായി നടന്നു.
