കോട്ടയം: കെ.സി.ബി.സി. ബൈബിൾ കമ്മീഷൻ നടത്തിയ ലോഗോസ് ഫാമിലി ക്വിസ് 2025 മത്സരത്തിൽ സംസ്ഥാനതലത്തിൽ ഒന്നാം സ്ഥാനം കുറവിലങ്ങാട് ഇടവകാംഗങ്ങളായ ഡിന്റാ ഫ്രാൻസിസ് വടക്കേവെള്ളാക്കൽ കുടുംബം കരസ്ഥമാക്കി. സംസ്ഥാനതല സമ്മാനദാന ചടങ്ങിൽ ഇവർ പുരസ്കാരം ഏറ്റുവാങ്ങി.

കുടുംബാംഗങ്ങൾ ഒന്നിച്ചുള്ള പങ്കാളിത്തവും ബൈബിളിലുള്ള അതുല്യമായ വിജ്ഞാനവുമാണ് വെല്ലുവിളി നിറഞ്ഞ മത്സരങ്ങളിലൂടെ ടീമിനെ വിജയത്തിലേക്ക് നയിച്ചത്. സംസ്ഥാനത്തെ വിവിധ രൂപതകളിലെ മികച്ച ടീമുകളെ പിന്തള്ളിയാണ് ഡിന്റാ ഫ്രാൻസിസിന്റെ കുടുംബം ഈ മഹത്തായ നേട്ടം സ്വന്തമാക്കിയത്.

ഈ വിജയത്തിൽ കുറവിലങ്ങാട് ഇടവകയിൽ ആഘോഷാന്തരീക്ഷം നിറഞ്ഞു. “ഇടവകയുടെ പ്രാർത്ഥനയും പിന്തുണയും ഈ നേട്ടത്തിന് ശക്തിയായി,” എന്ന് ഡിന്റാ ഫ്രാൻസിസ് പ്രതികരിച്ചു. വിജയികളായ കുടുംബത്തിന് ഇടവകയുടെയും സമൂഹത്തിന്റെയും പ്രശംസയും ആശംസകളും ലഭിച്ചുവരുന്നു.