ന്യൂഡൽഹി: ബംഗാളിലെ നന്ദിഗ്രാമിൽ ബിജെപി സ്ഥാനാർഥി ഹാസി റാണി റത്ത് 164427 വോട്ടുകളുടെ ഭൂരിപക്ഷത്തിൽ വിജയിച്ചു. കോൺഗ്രസിലെ മിലൻ പ്രധാനാണ് എതിരാളി. റെജി നഗറിൽ ബിജെപി സ്ഥാനാർഥി ശങ്കരവ് സർക്കാർ 129914 വോട്ടുകൾക്ക് മുന്നേറുന്നു. മുഖ്യമന്ത്രി സി.ജോസഫ് വിജയ് മുന്നിൽ നിന്നു നയിച്ച തമിഴ്നാട്ടിലെ ഉപതിരഞ്ഞെടുപ്പിൽ അണ്ണാഡിഎംകെയുടെ കോട്ടകൾ ടിവികെ പിടിച്ചെടുത്തു. അണ്ണാഡിഎംകെ എംഎൽഎമാർ രാജിവച്ചതിനാൽ നടന്ന ഉപതിരഞ്ഞെടുപ്പിൽ രണ്ടു സീറ്റിലും മികച്ച ഭൂരിപക്ഷത്തോടെയാണ് വിജയം. രണ്ടിടത്തും അണ്ണാഡിഎംകെ മൂന്നാമതായതോടെ എടപ്പാടി കെ.പളനിസാമിക്ക് നേരെ ചോദ്യങ്ങളുയരുമെന്നുറപ്പ്.

അണ്ണാ ഡിഎംകെയിൽ നിന്നു രാജിവച്ചവർ ടിവികെയിലെത്തി സ്ഥാനാർഥിയായതോടെ കുതിരക്കച്ചവടമെന്നു പ്രതിപക്ഷം ആരോപിച്ചു. ഇതിനെ തകർത്താണ് കഴിഞ്ഞ ഏപ്രിലിലെ ടിവികെ തരംഗം ആവർത്തിച്ചത്. ഇതോടെ ഉപതിരഞ്ഞെടുപ്പിൽ ഭരണകക്ഷി തോൽക്കാത്ത ചരിത്രം തമിഴകത്ത് തിരുത്താതെ തന്നെ തുടരാനായി. എസ്‌സി സംവരണ മണ്ഡലങ്ങളാണ് ടിവികെ വിജയിച്ച രണ്ടിടവും.