ആലപ്പുഴ: കണ്ടല്ലൂർ ഭാഗത്ത് അനധികൃത മദ്യവിൽപനയ്ക്കിടെ മധ്യവയസ്കനെ എക്സൈസ് പിടികൂടി. കണ്ടല്ലൂർ തെക്ക് പുളിമൂട്ടിൽ കിഴക്കതിൽ രതീഷ് കുമാർ (44) ആണ് അറസ്റ്റിലായത്.

ഇയാളിൽ നിന്ന് മൂന്നര ലിറ്റർ മദ്യം പിടികൂടിയതായി എക്സൈസ് അറിയിച്ചു. വീട്ടിലും പരിസര പ്രദേശങ്ങളിലും അനധികൃതമായി മദ്യവിൽപന നടത്തുന്നതായി ലഭിച്ച രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്.

ഇൻസ്പെക്ടർ ഇ. മുഹമ്മദ് മുസ്തഫയുടെ നേതൃത്വത്തിൽ അസി. ഇൻസ്പെക്ടർ അബ്ദുൽ ഷുക്കൂർ, സിവിൽ ഓഫീസർമാരായ രാഹുൽ കൃഷ്ണൻ, ഇമ്മാനുവൽ, വാണി സുരേഷ് എന്നിവർ ചേർന്നാണ് റെയ്ഡ് നടത്തിയത്.