തിരുവനന്തപുരം: എം.ആർ. അജിത്കുമാറിനെ ബെവ്കോ സിഎംഡി സ്ഥാനത്തുനിന്ന് മാറ്റണം എന്ന ആവശ്യവുമായി എക്സൈസ് മന്ത്രി എം. ലിജു. ആലപ്പുഴയിൽ നിന്നുള്ള ജനപ്രതിനിധിയാണ് എം. ലിജു. ആലപ്പുഴയിൽ നടന്ന ‘രക്ഷാപ്രവർത്തന’ത്തിന്റെ പേരിലാണ് എം.ആർ. അജിത്കുമാർ നിലവിൽ സംശയത്തിന്റെ നിഴലിൽ നിൽക്കുന്നത്.
എക്സൈസ് കമ്മീഷണർ സ്ഥാനം മറ്റൊരു ഐഎഎസ് ഉദ്യോഗസ്ഥൻ ആവശ്യപ്പെട്ട സാഹചര്യത്തിലാണ് തൽസ്ഥാനത്തിരുന്ന അജിത്കുമാറിനെ അവിടെനിന്നും ഒഴിവാക്കിയത്. അതിനുപിന്നാലെയാണ്, ബെവ്കോ എംഡി ആയിരുന്ന ഐജി അർഷിത അത്തല്ലൂരിയെ ആ സ്ഥാനത്തുനിന്നും മാറ്റി അജിത്കുമാറിനെ ബെവ്കോയുടെ സിഎംഡി ആയി നിയമിച്ചത്.
സംസ്ഥാനത്തെ ഐഎഎസ്, ഐപിഎസ് ആസ്ഥാനത്ത് വൈകാതെ ഒരു അഴിച്ചുപണി വരും. ആ സമയത്ത്, അജിത്കുമാറിനെ ഈ സ്ഥാനത്തുനിന്നും മാറ്റി മറ്റൊരു ഉദ്യോഗസ്ഥനെ നിയമിക്കണം എന്നാണ് അദ്ദേഹം മുഖ്യമന്ത്രി വി.ഡി. സതീശനുമുന്നിൽ മന്ത്രി ആവശ്യപ്പെട്ടിരിക്കുന്നത്.
