തിരുവനന്തപുരം: ചോദ്യപേപ്പര് ചോര്ച്ചാ കേസില് അന്വേഷണം പുരോഗമിക്കുന്നതിനിടെ എസ്എസ്എൽസി സയൻസ് വിഷയങ്ങളിൽ ഉറപ്പുള്ള ചോദ്യങ്ങളും ഉത്തരങ്ങളുമായി വീണ്ടും എം എസ് സൊല്യൂഷൻസ്. 199 രൂപക്ക് സയൻസ് വിഷയങ്ങളിൽ എ പ്ലസ് എന്ന തലക്കെട്ടോടെയാണ് പരസ്യം നൽകിയിരിക്കുന്നത്. പിഡിഎഫ് ഫയൽ ആയി ചോദ്യങ്ങളും ഉത്തരങ്ങളും നൽകാമെന്നാണ് എം എസ് സൊല്യൂഷൻസിന്റെ വാഗ്ദാനം.
ചോദ്യപേപ്പര് ചോര്ച്ചയില് എം.എസ്. സൊല്യൂഷന്സ് സി.ഇ.ഒ. ഷുഹൈബിനേയും ചോദ്യപേപ്പര് ചോര്ത്തി നല്കിയ മലപ്പുറത്തെ സ്വകാര്യ സ്കൂള് ജീവനക്കാരന് അബ്ദുള് നാസറിനേയും പോലീസ് അറസ്റ്റ് ചെയ്തിരുന്നു. കേസില് അന്വേഷണം പുരോഗമിക്കുന്നതിനിടെയാണ് സ്ഥാപനത്തില് നിന്നുള്ള പുതിയ പരസ്യം.
