മലപ്പുറം: എസ് ഐ ആർ നടപടികളുടെ ഭാഗമായി ശേഖരിച്ച വിവരങ്ങൾ മൊബൈൽ ആപ്പ് വഴി സമർപ്പിക്കുന്ന പ്രക്രിയക്ക് കുണ്ടൂർ പി എം എസ് ടി ആർട്സ് ആൻഡ് കോളേജിലെ വളണ്ടിയർമാർ സഹായകരമായി.
കോളേജിലെ പ്രത്യേകം സജ്ജീകരിച്ച് ഡിജിറ്റലൈസേഷൻ (വിവര സമർപ്പണ) ക്യാമ്പിൽ നന്നമ്പ്ര വില്ലേജിലെ വിവിധ ബൂത്തുകളി നിന്നുള്ള ബി എൽ ഒ ശേഖരിച്ച വോട്ടർ വിവരങ്ങൾ ക്രോഡീകരിക്കുന്നതിനും, മൊബൈൽ ആപ്പുമായി നൽകുന്നതിന് സൗകര്യമൊരുക്കി.
നവംബർ 24ന് ആരംഭിച്ച ക്യാമ്പ് 28 വരെ തുടരും. നന്നമ്പ്ര വില്ലേജ് സ്പെഷ്യൽ ഓഫീസർ കെ ഷാജു,കോളേജ് പ്രിൻസിപ്പാൾ പ്രൊഫസർ കെ ഇബ്രാഹിം, എൻഎസ്എസ് പ്രോഗ്രാം ഓഫീസർ സിറാജുദ്ദീൻ, വില്ലേജ് ഓഫീസ് ജീവനക്കാരായ ഉണ്ണികൃഷ്ണൻ,രാഗി മോൾ എൻഎസ്എസ് വളണ്ടിയർ കോർഡിനേറ്ററായ മുഹമ്മദ് യാസീൻ, മുഹമ്മദ് അഫ്സൽ, ആയിഷ വഹീദ തുടങ്ങിയവർ നേതൃത്വം നൽകി.
