കോഴിക്കോട് : ചാത്തമംഗലം–ചൂലൂർ കുടുംബാരോഗ്യ കേന്ദ്രത്തിന്റെ കീഴിൽ സ്വച്ച് ഭാരത് അഭിയാൻ (ദേശീയ ശുചിത്വ ദൗത്യം) പ്രോഗ്രാമിന്റെ ഭാഗമായി ജി.വി.എച്ച്.എസ്.എർ.ഇ.സി സ്കൂളിൽ എൻ.എസ്.എസ് വിദ്യാർത്ഥികൾക്ക് ചിത്രരചനയും ആരോഗ്യബോധവൽക്കരണവും നടത്തി.
എൻ.എസ്.എസ് പ്രോഗ്രാം ഓഫീസർ ഹർഷദ് അധ്യക്ഷത വഹിച്ചു. ജൂനിയർ ഹെൽത്ത് ഇൻസ്പെക്ടർ അബ്ദുൽ ഹകീം കെ.പി പദ്ധതിയുടെ ലക്ഷ്യങ്ങളും ശുചിത്വത്തിന്റെ പ്രാധാന്യവും വിശദീകരിച്ചു. അമ്പതോളം വിദ്യാർത്ഥികൾ ശുചിത്വ വിദ്യാലയം, ശുചിത്വ വീട്, ശുചിത്വ ഗ്രാമം എന്നിവയെ ആസ്പദമാക്കി വർണശബളമായ ചിത്രങ്ങൾ സൃഷ്ടിച്ചു.
ഹെൽത്ത് ഇൻസ്പെക്ടർ പ്രമോദ് കെ.എം പ്രവർത്തനങ്ങൾക്ക് നേതൃത്വം നൽകി. ആന്റിമൈക്രോബിയൽ റെസിസ്റ്റൻസ്, പെയിൻ ആന്റ് പാലിയേറ്റീവ് കെയർ എന്നിവയെ കുറിച്ചുള്ള ക്ലാസ് ജൂനിയർ പബ്ലിക് ഹെൽത്ത് നഴ്സ് ആശ പി, പാലിയേറ്റീവ് നേഴ്സ് യമുന എം എന്നിവർ കൈകാര്യം ചെയ്തു.അശാ പ്രവർത്തകരായ മിനി എം, ഷാജിത പി, കദീജ കെ പി എന്നിവർ പരിപാടിയിൽ സജീവമായി പങ്കെടുത്തു.
