പാലക്കാട്: സംസ്ഥാനത്ത് ഒരാള്ക്കുകൂടി അമീബിക് മസ്തിഷ്ക ജ്വരം. പാലക്കാട് സ്വദേശിയായ യുവാവിനാണ് രോഗം സ്ഥിരീകരിച്ചത്. ഇയാള് കോഴിക്കോട് മെഡിക്കല് കോളേജ് ആശുപത്രിയില് ചികിത്സയിലാണ്. ഈ വര്ഷം ഇതുവരെ 66 പേര്ക്ക് രോഗം ബാധിച്ചുവെന്നാണ ആരോഗ്യവകുപ്പ് വ്യക്തമാക്കിയത്. ഈ വര്ഷം 19 പേര് അമീബിക് മസ്തിഷ്ക ജ്വരം ബാധിച്ച് മരിച്ചു.
കൂടുതല് രോഗികള് തിരുവനന്തപുരത്തും കോഴിക്കോട്ടും ആണ്. സംസ്ഥാനത്ത് അമീബിക് മസ്തിഷ്ക ജ്വരം കൂടുതലായി റിപ്പോര്ട്ട് ചെയ്യപ്പെട്ടതിന് പിന്നാലെ പ്രതിരോധ പ്രവര്ത്തനങ്ങള് ഊര്ജ്ജതമാക്കിയിരിക്കുകയാണ് ആരോഗ്യ തദ്ദേശ വകുപ്പുകള്. വിവിധ ഇടങ്ങളിലെ നീന്തല് കുളങ്ങളും കിണറുകളും പൊതു കുളങ്ങളും തോടുകളും അടക്കം വൃത്തിയാക്കുന്ന പ്രവര്ത്തനങ്ങള് തുടങ്ങിയിരുന്നു.
