പാലക്കാട്: ശസ്ത്രക്രിയക്കിടെ വലത് കൈ മുറിച്ചു മാറ്റേണ്ടി വന്ന വിദ്യാര്ത്ഥിക്ക്് ഇന്ന് വീണ്ടും ശസ്ത്രക്രിയ. മുറിച്ചുമാറ്റിയ കൈയിലെ പഴുപ്പ് നീക്കം ചെയ്യാനാണ് കോഴിക്കോട് മെഡിക്കല് കോളജില് ശസ്ത്രക്രിയ നടക്കുന്നത്.
സംഭവത്തില് കാരണക്കാരായ ഡോക്ടേഴ്സിനെ സസ്പെന്ഡ് ചെയ്ത നടപടിയില് കുടുംബം തൃപ്തരല്ല. നിയമ നടപടിയിലേക്ക് കടക്കാനാണ് കുടുംബത്തിന്റെ തീരുമാനം.
ഒന്പത് വയസുകാരിയുടെ കൈ മുറിച്ചു മാറ്റിയ സംഭവത്തില് രണ്ട് ഡോക്ടര്മാരെയാണ് സസ്പെന്ഡ് ചെയ്തത്. ഡോ മുസ്തഫ, ഡോ സര്ഫറാസ് എന്നിവരെയാണ് അന്വേഷണ വിധേയമായി സസ്പെന്റ് ചെയ്തത്. ഡിഎംഒ നല്കിയ റിപ്പോര്ട്ട് തള്ളിയാണ് സര്ക്കാര് നടപടി.
സാഹചര്യങ്ങള് വിലയിരുത്തി ഉചിതമായ നടപടി സ്വീകരിക്കുമെന്ന് ണ് ആരോഗ്യ മന്ത്രി വീണ ജോര്ജ് കുടുംബത്തിന് ഉറപ്പ് നല്കിയിരിക്കുന്നു. ചികിത്സാ സഹായമടക്കം ഉറപ്പാക്കി സംരക്ഷിക്കണമെന്ന് എംഎല്എ കെ ബാബുവും പറഞ്ഞിരുന്നു.പാലക്കാട് ജില്ലാ ആശുപത്രിയിലെ ചികിത്സാപ്പിഴവ് ആരോപണത്തില് ഡോക്ടേഴ്സിന് വീഴ്ചയില്ലെന്നായിരുന്നു കെജിഎംഒഎയും ആശുപത്രി അധികൃതരും ആവര്ത്തിച്ച് പറഞ്ഞത്. എന്നാല് പെണ്കുട്ടിയുടെ കുടുംബം ആരോപണത്തില് ഉറച്ചു നില്ക്കുകയായിരുന്നു. ആരോഗ്യവകുപ്പ് ഡയറക്റ്ററുടെ നേതൃത്വത്തില് അന്വേഷണം നടത്തട്ടെയെന്നും ഏത് അന്വേഷണവും നേരിടാന് തയ്യാറാണെന്നും സംയുക്ത വാര്ത്ത സമ്മേളനത്തില് ഓര്ത്തോ വിഭാഗം മേധാമി വ്യക്തമാക്കിയിരുന്നു.
പാലക്കാട് പല്ലശ്ശന സ്വദേശി വിനോദിനിയുടെ വലതു കൈയാണ് മുറിച്ചുമാറ്റിയത്. കളിക്കുന്നതിനിടെ വീണ് പരിക്കേറ്റ കുട്ടിക്ക് പാലക്കാട് ജില്ലാ ആശുപത്രിയില് വേണ്ടത്ര ചികില്സ ലഭിച്ചില്ലെന്നെന്നാണ് കുടുംബത്തിന്റെ ആരോപണം.
