കൊച്ചി: നിയമസഭ തെരഞ്ഞെടുപ്പ് തോല്വിക്ക് കാരണം പിണറായി വിജയനെന്ന് ഇടതു സഹയാത്രികനും മുന് എംപിയുമായ സെബാസ്റ്റ്യന് പോള്. പിണറായി വിജയനെതിരായ വിധിയെഴുത്താണ് കേരളത്തില് ഉണ്ടായത്. പിണറായിയുടെ ഏകാധിപത്യമാണ് പാര്ട്ടിയില് ഉള്ളതെന്നും അദ്ദേഹം തുറന്നടിച്ച്.
പിണറായിയുടെ ഭാഷ പോലും നല്ല ഭരണാധികാരിക്ക് ചേര്ന്നതല്ല. തോല്വിയുടെ ഉത്തരവാദി പിണറായി വിജയന് മാത്രമാണ്. ഇടതുപക്ഷം ഇത്തവണ വോട്ടു ചോദിച്ചത് ഒരു വ്യക്തിക്കു വേണ്ടിയാണ്. മൂന്നാം ഊഴം തേടിയത് എല്ഡിഎഫിനു വേണ്ടിയല്ല, ഒരു വ്യക്തിക്കു വേണ്ടിയാണ്. തുടര്ഭരണം ജനാധിപത്യ സങ്കല്പ്പമല്ല. മുഖ്യമന്ത്രിയുടെ ഏകാധിപത്യത്തിന് പരിമിതിയുണ്ട്.
സിപിഎമ്മിനെതിരെയുള്ള വോട്ടല്ല, പിണറായി വിജയനെതിരെയുള്ള വോട്ടാണ് കേരളത്തില് ഉണ്ടായത്. എല്ലാ തോല്വിക്കും ഒരു ഉത്തരവാദി ഉണ്ടായിരിക്കും. ഈ തോല്വിയുടെ ഉത്തരവാദിത്തം പിണറായി വിജയന് തന്നെ ഏറ്റെടുക്കണം. അതിനാല് പ്രതിപക്ഷ നേതാവ് സ്ഥാനം പിണറായി വിജയന് ഏറ്റെടുക്കരുതെന്നും സെബാസ്റ്റ്യന് പോള് അഭിപ്രായപ്പെട്ടു.
