ന്യൂഡൽഹി: പ്രധാനമന്ത്രി നരേന്ദ്ര മോദി മൂന്ന് ദിവസത്തെ സന്ദർശനത്തിനായി കിഴക്കൻ ആഫ്രിക്കൻ ദ്വീപരാജ്യമായ സെയ്ഷെൽസിലേക്ക് യാത്ര തിരിച്ചു. സെയ്ഷെൽസ് ദേശീയ ദിനത്തിന്റെ സുവർണ്ണ ജൂബിലി ആഘോഷങ്ങളിൽ മുഖ്യാതിഥിയായി ആണ് മോദിയെ ക്ഷണിച്ചിരിക്കുന്നത്. ആഘോഷങ്ങളിൽ ഇന്ത്യൻ സേനാ സംഘങ്ങളും പങ്കെടുക്കും.
സന്ദർശനത്തിനിടെ പ്രധാനമന്ത്രി സെയ്ഷെൽസ് ദേശീയ അസംബ്ലിയിലും പ്രസംഗിക്കും. കൂടാതെ സെയ്ഷെൽസിലെ ഇന്ത്യൻ സമൂഹത്തെയും അദ്ദേഹം കാണും. മൂന്ന് ദിവസത്തെ പരിപാടികൾ പൂർത്തിയാക്കി പ്രധാനമന്ത്രി തിങ്കളാഴ്ച ഇന്ത്യയിലേക്ക് മടങ്ങും. അടുത്തയാഴ്ച ഓസ്ട്രേലിയ, ന്യൂസിലൻഡ്, ഇന്തോനേഷ്യ എന്നീ രാജ്യങ്ങളും മോദി സന്ദർശിക്കുമെന്ന് ഔദ്യോഗികമായി അറിയിച്ചു.
