ന്യൂഡല്ഹി: കേരളത്തിന്റെ പുതിയ മുഖ്യമന്ത്രി ആരെന്നതില് അനിശ്ചിതത്വം നീളുന്നു. അംഗബലത്തില് കെ സി വേണുഗോപാല്, സീനിയോറിറ്റിയില് രമേശ് ചെന്നിത്തല, ജനവികാരവും ഘടകകക്ഷികളുടെ പിന്തുണയും വി ഡി സതീശന്. ആരെ മുഖ്യമന്ത്രിയായി തീരുമാനിക്കണമെന്ന കാര്യത്തില് ഹൈക്കമാന്ഡിന് തീരുമാനമെടുക്കാനാവുന്നില്ല. ഡല്ഹിയിലെത്തിയ കേരളത്തിലെ നേതാക്കളുമായി ഹൈക്കമാന്ഡ് നേതൃത്വം ഇന്ന് ചര്ച്ച നടത്തും.
തര്ക്കമില്ലാതെ പ്രശ്നം പരിഹരിച്ചാല് വൈകുന്നേരത്തോടെ പ്രഖ്യാപനം ഉണ്ടായേക്കുമെന്നാണ് റിപ്പോര്ട്ടുകള് വ്യക്തമാക്കുന്നത്. എംഎല്എമാരുടെ ഭൂരിപക്ഷത്തില് കെ സി വേണുഗോപാല് മുന്നില് നില്ക്കുമ്പോള്, ഘടകകക്ഷികളുടെ നിലപാടും, ജനവികാരവും വിഡി സതീശന് അനുകൂലമാണ്. കഴിഞ്ഞ ദിവസങ്ങളില് നടന്ന പ്രകടനങ്ങളും നിര്ണായകമാകും. സമവായ സ്ഥാനാര്ഥിയായി താന് എത്തുമെന്ന പ്രതീക്ഷ ചെന്നിത്തലയ്ക്കുമുണ്ട്.
