കൊച്ചി: ശബരിമല സ്വര്ണക്കൊള്ളയില് മുന് ദേവസ്വം സെക്രട്ടറിയും തിരുവാഭരണം കമ്മിഷണറുമായിരുന്ന എസ്. ജയശ്രീയുടെ അറസ്റ്റ് ഹൈക്കോടതി തടഞ്ഞു. ചൊവ്വാഴ്ച വരെയാണ് അറസ്റ്റിനു വിലക്ക്.
ജയശ്രീയുടെ മുന്കൂര് ജാമ്യാപേക്ഷ ചൊവ്വാഴ്ച ഹൈക്കോടതി വീണ്ടും പരിഗണിക്കും. പത്തനംതിട്ട ജില്ലാ സെഷന്സ് കോടതി ജയശ്രീയുടെ മുന്കൂര് ജാമ്യ ഹര്ജി തള്ളിയിരുന്നു.
ദ്വാരപാലകപാളി കേസില് നാലാം പ്രതിയാണ് ജയശ്രീ. മിനിട്സ് തിരുത്തി ഒന്നാം പ്രതി ഉണ്ണിക്കൃഷ്ണന് പോറ്റിക്ക് ജയശ്രീ സ്വര്ണപ്പാളികള് കൈമാറിയെന്നാണ് എസ്ഐടി കണ്ടെത്തല്. ബോര്ഡ് തീരുമാനം ഉത്തരവായി പുറപ്പെടുവിക്കുക മാത്രമാണ് ഉണ്ടായതെന്നും തെറ്റു ചെയ്തിട്ടില്ലെന്നുമാണ് ജയശ്രീയുടെ വിശദീകരണം.
2017 ജൂലൈ മുതല് 2019 ഡിസംബര് വരെ ജയശ്രീ ആയിരുന്നു ദേവസ്വം ബോര്ഡ് സെക്രട്ടറി. അതിനു ശേഷം 2020 മേയില് വിരമിക്കുന്നതുവരെ തിരുവാഭരണം കമ്മിഷണറായും പ്രവര്ത്തിച്ചു.
