കോട്ടയം: മണ്ഡല മകരവിളക്ക് തീർഥാടനത്തോടനുബന്ധിച്ച് ജില്ലാ ലീഗൽ സർവീസസ് അതോറിറ്റി (ഡി.എൽ.എസ്.എ) എരുമേലിയിൽ നിയമ സേവന കേന്ദ്രം ആരംഭിച്ചു.
സീനിയർ ഡിവിഷൻ സിവിൽ ജഡ്ജും ഡി.എൽ.എസ്.എ സെക്രട്ടറിയുമായ ജി. പ്രവീൺകുമാർ കേന്ദ്രത്തിന്റെ ഉദ്ഘാടനം നിർവഹിച്ചു. എരുമേലി ശ്രീ ധർമശാസ്താ ക്ഷേത്രത്തിന് എതിർവശത്താണ് ഈ സേവന കേന്ദ്രം പ്രവർത്തിക്കുക. തീർഥാടകർക്കായി 24 മണിക്കൂറും പാരാ ലീഗൽ സന്നദ്ധപ്രവർത്തകരുടെ സേവനം ഇവിടെ ലഭ്യമാകും.
കാഞ്ഞിരപ്പള്ളി ഡി.വൈ.എസ്.പി സാജു വർഗീസ്, താലൂക്ക് ലീഗൽ സർവീസസ് കമ്മിറ്റി സെക്രട്ടറി സജു സെബാസ്റ്റ്യൻ, അഡ്വ. മുഹമ്മദ് സിറാജ്, എരുമേലി സർക്കിൾ ഇൻസ്പെക്ടർ ഇ.ഡി. ബിജു, പാരാലീഗൽ സന്നദ്ധപ്രവർത്തകർ എന്നിവർ ചടങ്ങിൽ പങ്കെടുത്തു.
