ചെന്നൈ: തമിഴ്നാട്, പുതുച്ചേരി നിയമസഭ തെരഞ്ഞെടുപ്പുകളില് ലോട്ടറി രാജാവ് സാന്റിയാഗോ മാര്ട്ടിന്റെ കുടുംബത്തിലെ മൂന്നു പേര് വിജയിച്ചു കയറി. അതും മൂന്ന് വ്യത്യസ്ത പാര്ട്ടികളിലായി. സാന്റിയാഗോ മാര്ട്ടിന്റെ ഭാര്യ ലീമ റോസ് മാര്ട്ടിന്, മകന്, മരുമകന് എന്നിവരാണ് നിയമസഭയിലേക്ക് പോകുന്നത്.
ലീമ റോസ് മാര്ട്ടിന് ലാല്ഗുഡി മണ്ഡലത്തില് നിന്നും എഐഎഡിഎംകെ ടിക്കറ്റിലാണ് മത്സരിച്ച് വിജയിച്ചത്. മകളുടെ ഭര്ത്താവ് ആദവ് അര്ജുന വിജയ് യുടെ പാര്ട്ടിയായ തമിഴക വെട്രി കഴക (ടിവികെ) ത്തിന്റെ സ്ഥാനാര്ത്ഥിയായി വില്ലിവാക്കത്തു നിന്നാണ് തമിഴ്നാട് നിയമസഭയിലെത്തുന്നത്.
പുതുച്ചേരി നിയമസഭയിലേക്കാണ് മകന് ജോസ് ചാള്സ് മാര്ട്ടിന് വിജയിച്ചത്. കാമരാജ് നഗര് സീറ്റില് നിന്നും സ്വന്തം പാര്ട്ടിയായ ലച്ചിയ ജനനായക കക്ഷി സ്ഥാനാര്ത്ഥിയായാണ് ജോസ് ചാള്സ് വിജയിച്ചത്.
