കൊച്ചി: മാസപ്പടി കേസിൽ പിണറായി വിജയന് ഹൈക്കോടതിയിൽ നിന്ന് തിരിച്ചടി. വിജിലൻസ് എഫ്‌ഐആർ രജിസ്റ്റർ ചെയ്യാൻ ഉത്തരവിട്ട സിംഗിൾ ബെഞ്ച് വിധിക്കെതിരായ അപ്പീൽ പരിഗണിക്കണമെന്ന പിണറായി വിജയന്റെയും മറ്റുള്ളവരുടെയും ഹർജികൾ ഹൈക്കോടതി തള്ളി. അപ്പീൽ നൽകാൻ അനുമതി നൽകാനാകില്ലെന്ന് കോടതി വ്യക്തമാക്കി.
തങ്ങളുടെ ഭാഗം കേൾക്കാതെയാണ് സിംഗിൾ ബെഞ്ച് ഉത്തരവിട്ടതെന്നും ഉത്തരവ് നിയമപരമല്ലെന്നുമായിരുന്നു ഹർജിക്കാരുടെ വാദം. സർക്കാരും ഹർജിക്കാർക്ക് അനുകൂലമായ നിലപാടാണ് കോടതിയിൽ സ്വീകരിച്ചത്. എന്നാൽ അപ്പീലിന് അനുമതി നൽകരുതെന്നായിരുന്നു എൻഫോഴ്‌സ്‌മെന്റ് ഡയറക്ടറേറ്റിന്റെ നിലപാട്. ഇത് പരിഗണിച്ചാണ് കോടതി ഹർജികൾ തള്ളിയത്.
ഇതോടെ മാസപ്പടി കേസിൽ പിണറായി വിജയനെ പിന്തുണച്ച സർക്കാരിനും ഹൈക്കോടതിയിൽ നിന്ന് തിരിച്ചടിയേറ്റു.
