മൂന്ന് മാസത്തോളം നീണ്ട കാത്തിരിപ്പിന് സമാപനമായിരിക്കുകയാണ്. അതെ ബിഗ് ബോസ് മലയാളം സീസൺ 7ന്റെ വിജയിയെ മോഹൻലാൽ പ്രഖ്യാപിച്ചു കഴിഞ്ഞു. ഹൗസിനുള്ളിലും പുറത്തും ഒരുപാട് പ്രതിസന്ധികൾ നേരിട്ട്, അവയോട് പോരാടി മുന്നേറിയ അനുമോൾ ആണ് ബിഗ് ബോസ് സീസൺ 7 കപ്പെടുത്തത്. മലയാളം ബിഗ് ബോസ് ചരിത്രത്തിലെ രണ്ടാമത്തെ ലേഡി വിന്നർ കൂടിയാണ് അനുമോൾ. സീസൺ 4ൽ വിജയിയായ ദിൽഷ പ്രസന്നൻ ആയിരുന്നു ആദ്യ ലേഡി വിന്നർ.
ബിഗ് ബോസ് മലയാളം സീസൺ 7ൽ ടോപ് ഫൈവിൽ ഇടം നേടിയ ഒരേയൊരു പെൺതരിയായിരുന്നു അനുമോൾ. അക്ബർ, നെവിൻ, ഷാനവാസ്, അനീഷ് എന്നിവരായിരുന്നു മറ്റ് നാല് പേർ. അഞ്ച് പേരും പ്രേക്ഷകരുടെ വിധി പ്രകാരം ഓരോരോ സ്ഥാനങ്ങൾ കൊയ്തു. അക്ബർ അഞ്ചാം സ്ഥാനത്ത് എത്തിയപ്പോൾ നെവിൻ നാലാമതും ഷാനവാസ് മൂന്നാമതും എത്തി. അനീഷ് ഫസ്റ്റ് റണ്ണറപ്പായി മാറിയത്. മോഹൻലാൽ, അനുമോളുടെ കൈപിടിച്ച് ഉയർത്തിയപ്പോൾ വലിയ കരഘോഷങ്ങൾ ആയിരുന്നു വേദിയിൽ നിന്നും ഉയർന്നു കേട്ടത്. എന്നാൽ ശൈത്യ, ബിൻസി, സരിഗ, ബിന്നി, അപ്പാനി ശരത്ത്, അക്ബര് എന്നിവരുടെ എക്സ്പ്രഷനുകൾ നമ്മളെല്ലാവരും കണ്ടതാണ്. ഇപ്പോൾ സോഷ്യൽ മീഡിയയിൽ വലിയ ചർച്ചയായി മാറിയിട്ടുണ്ട്.
മസ്താനിയും ലക്ഷ്മിയും തുള്ളിച്ചാടി കൊണ്ടായിരുന്നു അനുമോളുടെ വിജയം ആഘോഷിച്ചത്. അനുമോളുടെ കൈ പിടിച്ച് മോഹൻലാൽ ഉയർത്തിയപ്പോൾ ഏറ്റവും അവസാനം വേണം വേണ്ടെന്ന മട്ടിൽ ശൈത്യ ആയിരുന്നു ഏറ്റവും ഒടുവിൽ എഴുന്നേറ്റത്. എന്നിട്ടും കയ്യടിക്കാനൊന്നും തന്നെ ശൈത്യ നിന്നില്ല. ഇവരുടെ ഫേസ് ക്ലോസപ്പിൽ തന്നെ ബിഗ് ബോസ് കാണിക്കുകയും ചെയ്തിട്ടുണ്ട്. ശെരിക്കും പറഞ്ഞാൽ അസൂയയുടെ ആൾരൂപത്തെയാണ് ഇന്നലെ ഒറ്റരാത്രി കൊണ്ട് ബിഗ്ഗ്ബോസ് പ്രേക്ഷകർ കണ്ടത്. ശെരിക്കും പറഞ്ഞാൽ കട്ടപ്പ എന്ന് വിളിച്ചതിൽ യാതൊരു തെറ്റും ഇല്ലെന്ന് തന്നെ പറയാം.
റീ എൻട്രിയായി എത്തിയപ്പോൾ അനുമോൾക്കെതിരെ ശക്തമായി തിരിച്ചടിച്ചവരായിരുന്നു ബിൻസിയും ശൈത്യയും സരിഗയും. ഒപ്പം ആദിലയും നൂറയും ഉണ്ടായിരുന്നു. അനുമോൾ കാരണം തന്നെ കട്ടപ്പയെന്ന് വിളിച്ച് സോഷ്യൽ മീഡിയ ഉപയോക്താക്കൾ ആക്ഷേപിക്കുന്നുവെന്ന് ശൈത്യ പൊട്ടിക്കരഞ്ഞു കൊണ്ട് ഷോയിൽ പഞ്ഞതെല്ലാം ഏറെ ശ്രദ്ധനേടിയിരുന്നു.
ഷോ തുടങ്ങി കുറച്ച ദിവസങ്ങൾക്കു ശേഷം മുതൽ പറഞ്ഞുകേൾക്കുന്നതാണ് pr ന്റെ കാര്യങ്ങൾ.
അനുമോൾ 16 ലക്ഷം രൂപയ്ക്ക് പിആർ കൊടുത്തു എന്ന് ബിന്നിയാണ് ആദ്യം ആരോപിച്ചത്. തന്നോട് അനുമോൾ തന്നെ പറഞ്ഞ കാര്യമാണ് ഇതെന്നും ബിന്നി പറഞ്ഞിരുന്നു. പിന്നീട് ഇതേ കാര്യം മറ്റ് പലരും ആരോപിച്ചു. ഇത് അകത്തും പുറത്തും വലിയ ചർച്ചകളായിരുന്നു. അനുമോൾ ഓരോ ആഴ്ചകളിലും പുറത്താവാതെ രക്ഷപ്പെട്ടതോടെ ചർച്ചകൾക്കും ആരോപണങ്ങൾക്കും ശക്തി കൂടുകയായിരുന്നു. ജിസേൽ പുറത്തായപ്പോഴും ആര്യൻ പുറത്തായപ്പോഴും അനുമോളുടെ പിആർ ആണ് കാരണമെന്ന ചർച്ചകളുമുണ്ടായിരുന്നു.
പുറത്തുപോയി ഫിനാലെ വീക്കിൽ തിരികെവന്നവരിൽ പലരും അനുമോളുടെ പിആറുമായി ബന്ധപ്പെട്ട ചർച്ചകളുയർത്തി. ശൈത്യ സന്തോഷ്, ആർജെ ബിൻസി തുടങ്ങിയവർ അനുമോളുടെ പിആർ തങ്ങളുടെ ജീവിതം വളരെ ബുദ്ധിമുട്ടേറിയതാക്കിയെന്ന് ആരോപിച്ചു. ഇത് പിആറുമായി ബന്ധപ്പെട്ട ആരോപണങ്ങളെ മറ്റൊരു തലത്തിലെത്തിച്ചു. ഇതോടെ അനുമോളുടെ പിആർ ചെയ്ത വിനു വിജയ് പരസ്യമായി രംഗത്തു൦ വന്നിരുന്നു. ശൈത്യ ഉയർത്തിയ ആരോപണങ്ങൾ തെറ്റാണെന്ന് വിനു പറഞ്ഞെങ്കിലും വിവാദങ്ങൾ കെട്ടടങ്ങിയില്ല.
കോമണറായി എത്തിയ അനീഷ് ബിഗ് ബോസ് റണ്ണർ അപ്പ് ആയതോടെ പിആർ വിവാദങ്ങൾ വീണ്ടും കടുത്തു. ഏഷ്യാനെതിരെ കടുത്ത വിമർശനങ്ങളാണ് പ്രേക്ഷകർ ഉയർത്തുന്നത്. പിആർ കൊണ്ട് മാത്രമാണ് അനുമോൾ വിജയിച്ചതെന്നും പിആർ ഇല്ലാത്ത അനീഷിന് ട്രോഫി ലഭിച്ചില്ലെന്നും പ്രേക്ഷകർ കുറ്റപ്പെടുത്തുന്നു. ബിബി മലയാളം ചരിത്രത്തിൽ രണ്ടാമത്തെ വനിതാ ജേതാവാണ് അനുമോൾ.
