വാഷിങ്ടണ്: ഡോണള്ഡ് ട്രംപിന്റെ ഭീഷണിക്ക് മറുപടിയുമായി ന്യൂയോര്ക്ക് മേയര് സ്ഥാനാര്ത്ഥി സൊഹ്റാന് മംദാനി. ട്രംപിന്റെ ഭീഷണി അംഗീകരിക്കില്ലെന്ന് മംദാനി പറഞ്ഞു. ഡെമോക്രാറ്റിക് പാർട്ടിയുടെ മേയർ സ്ഥാനാർത്ഥിയാണ് മംദാനി. നിങ്ങള് സംസാരിച്ചാല് അവര് നിങ്ങളെ തേടി പിന്നാലെ വരുമെന്നും മംദാനി പറഞ്ഞു.
ട്രംപിന്റെ ഭീഷണി ജനാധിപത്യത്തിന് നേരെയുള്ള ആക്രമണം മാത്രമല്ലെന്നും നിഴലുകളില് ഒളിക്കാന് താല്പര്യമില്ലാത്ത ഓരോ ന്യൂയോര്ക്ക് നിവാസികള്ക്കും എതിരെയുള്ള സന്ദേശമാണെന്ന് അദ്ദേഹം എക്സില് കുറിച്ചു. നമ്മുടെ നഗരത്തെ ഭയപ്പെടുത്താന് ഇമിഗ്രേഷന് ആന്ഡ് കസ്റ്റംസ് എന്ഫോഴ്സ്മെന്റിനെ അനുവദിക്കില്ലെന്നും മംദാനി പറഞ്ഞു.
