മലപ്പുറം: ദേശീയപാതയിൽ വെളിമുക്കിൽ കാർ ഡിവൈഡറിലിടിച്ച് മറിഞ്ഞുണ്ടായ അപകടത്തിൽ ഗുരുതരമായി പരിക്കേറ്റ് ചികിത്സയിലായിരുന്ന മൂന്ന് വയസുകാരി മരിച്ചു. കൊടിഞ്ഞി കാളംതിരുത്തി കൊല്ലംതൊടി സ്വദേശി തൻവീർ-സഫ്‌ന ഷെറിൻ ദമ്പതികളുടെ ഏക മകൾ സൂന നഹറാണ് മരിച്ചത്. കഴിഞ്ഞ ദിവസം വൈകുന്നേരമാണ് അപകടമുണ്ടായത്. കല്യാണവീട്ടിൽ നിന്ന് വലിയുമ്മയുടെ കൂടെ പോകണമെന്ന് കുട്ടി നിർബന്ധിച്ചതിനെ തുടർന്ന് സഫ്‌നയുടെ മാതാപിതാക്കൾക്കൊപ്പം പടിക്കലിലെ വീട്ടിലേക്ക് പോകുന്നതിനിടെയാണ് അപകടം. യാത്ര ചെയ്തിരുന്ന കാർ നിയന്ത്രണം വിട്ട് ദേശീയപാതയിലെ ഡിവൈഡറിലിടിച്ച് തലകീഴായി മറിയുകയായിരുന്നു. അപകടത്തിൽ കുട്ടിയുടെ തലയോട്ടിക്ക് […]

മലപ്പുറം: പെരിന്തൽമണ്ണ ജില്ലാ ആശുപത്രിയിലെ ബ്ലഡ് ബാങ്ക് ടെക്നീഷ്യൻ വാഹനാപകടത്തിൽ മരിച്ചു. കുളക്കാട്ടുകുർശി ചുള്ളിയോട്ടിൽ നാരായണൻകുട്ടിയുടെ മകൻ ശ്രീരാഗ് (23) ആണ് മരിച്ചത്. പെരിന്തൽമണ്ണ–ഏലംകുളം റോഡിൽ പെരുമ്പാറ അടിവാരത്ത് വച്ചാണ് അപകടം. സ്വകാര്യ ബസും ശ്രീരാഗ് സഞ്ചരിച്ച സ്കൂട്ടറും തമ്മിൽ കൂട്ടിയിടിക്കുകയായിരുന്നു. രാവിലെ ജോലിസ്ഥലത്തേക്ക് പോകുന്നതിനിടെയായിരുന്നു അപകടം. ഗുരുതരമായി പരിക്കേറ്റ ശ്രീരാഗിനെ ഉടൻ പെരിന്തൽമണ്ണയിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും.