കോഴിക്കോട്: അന്താരാഷ്ട്ര മയക്കുമരുന്ന് ലോബി കേരളത്തിൽ ശക്തമായി പ്രവർത്തിക്കുകയും കുട്ടികളെ ലഹരിക്കടിമകളാക്കാനുള്ള ശ്രമങ്ങൾ നടക്കുകയാണെന്നും അതിനെതിരെ ജനങ്ങളെ അണിനിരത്തുകയാണ് ഓപ്പറേഷൻ തൂഫാൻ വഴി ലക്ഷ്യമിടുന്നതെന്നും ആഭ്യന്തര മന്ത്രി രമേശ് ചെന്നിത്തല പറഞ്ഞു. കോഴിക്കോട് കുന്ദമംഗലത്ത് നടന്ന ‘ഓപ്പറേഷൻ തൂഫാൻ: ദി നാർക്കോ ഹണ്ട്’ പദ്ധതിയുടെ ഔദ്യോഗിക ഉദ്ഘാടനം നിർവഹിക്കുകയായിരുന്നു അദ്ദേഹം. ലഹരിക്കെതിരായ പോരാട്ടത്തിൽ കുട്ടികളും രക്ഷിതാക്കളും പൊതുജനങ്ങളും ഒരുമിച്ച് മുന്നോട്ട് വരണമെന്ന് മന്ത്രി പറഞ്ഞു. മദ്യത്തിനും മയക്കുമരുന്നിനുമെതിരായ വലിയ പ്രചാരണമാണ് ഈ പദ്ധതിയിലൂടെ ആരംഭിച്ചതെന്നും മന്ത്രി വ്യക്തമാക്കി. […]