തൃശ്ശൂർ: ചാലക്കുടി,.കുറ്റിക്കാട് സെന്റ് സെബാസ്റ്റ്യനോസിന്റെ പള്ളിയില് ്അമ്പു തിരുനാള് 8 മുതല് 13 വരെ തീയതികളിലായി ആഘോഷിക്കുന്നതായി സംഘാടകര് വാര്ത്ത സമ്മേളനത്തില് അറിയിച്ചു. ജനവരി 8 തീയതി വൈകിട്ട് 5.30 മുതല് ലദീഞ്ഞ് പാട്ടുകുര്ബ്ബാന, നൊവേന,പ്രദക്ഷിണം തുടര്ന്ന് ദീപാലങ്കാരത്തിന്റെ സ്വിച്ച് ഓണ് കര്മ്മവും നേര്ച്ച പായസത്തിന്റെ വിതരണവും ഉണ്ടായിരിക്കും. ചടങ്ങുകള്ക്ക് ഫാദര് ജോഷി കല്ലേലി കാര്മ്മികത്വം വഹിക്കും. 9 വെള്ളിയാഴ്ച നടക്കുന്ന കുര്ബ്ബാനക്കും മറ്റു ചടങ്ങുകള്ക്കും സെന്റ് ജെയിംസ് ആശുപത്രി അസിസ്റ്റന്റ് ഡയറക്ടര് ഫാദര് നവീന് ഊക്കന് കാര്മ്മികത്വം വഹിക്കും.
10 ശനിയാഴ്ച രാവിലെ 5.30ന് ദിവ്യബലി വിശുദ്ധന്റെ തിരുശേഷിപ്പ് പുറത്തെടുക്കുന്നു. കുട് തുറക്കല് നടക്കും. 6.30ന് ദിവ്യബലി അസിസ്റ്റന്റ് പള്ളി ഫാദര് എഡ്വിന് ചക്കാലമറ്റത്ത് കാര്മ്മികത്വം വഹിക്കും,അമ്പ് ആശീര്വാദം,പ്രദക്ഷിണം പന്തലിലേക്ക് രൂപം എടുത്ത് വെക്കല് തുടര്ന്ന് 45 യൂണിറ്റുകളിലേക്ക് അമ്പ് എഴുന്നുള്ളിപ്പ്, രാത്രി അമ്പ് പ്രദക്ഷിണം തിരിച്ചെത്തുന്നു.11 ഞായര് തിരുനാള് ദിനം രാവിലെ 6, 7:30ന് ദിവ്യബലി, രാവിലെ പത്ത് മണിക്ക് ആഘോഷമായ തിരുനാള് പാട്ട് കൂര്ബ്ബാന, ഫാദര് ജിന്റേഷ് മാളിയേക്കല് മുഖ്യ കാര്മ്മികത്വം വഹിക്കും.
ഉച്ചതിരിഞ്ഞ് 3 മണിക്ക്ദിവ്യബലി ഇടവക വൈദികര് കാര്മ്മികത്വം വഹിക്കും,. തുടര്ന്ന് വിശുദ്ധന്റെ രുപം വഹിച്ചു കൊണ്ടുള്ള പ്രദക്ഷിണം. 12 തിങ്കളാഴ്ച ടൗണ് അമ്പ് രാവിലെ 6:30ന് ദിവ്യബലി, 9 മണിക്ക് സ്ഥാപനങ്ങളിലേക്ക് അമ്പ് എഴുന്നുള്ളിപ്പ്, 4 മണിക്ക് ദിവ്യബലി പ്രവാസി കൂട്ടായ്മ, 5 മണിക്ക് പൊതുയോഗം ആദരിക്കല്, വൈകിട്ട് ടൗണ് അമ്പ് സമാപനം, തുടര്ന്ന് അയ്യപ്പ ബൈജു അവതരിപ്പിക്കുന്ന കോമഡി ഷോ,മെഗ സമ്മാന കൂപ്പണ് നറുക്കെടുപ്പ്.
വിവിധ മേഖലകളിലെ അമ്പ് പ്രദക്ഷിണം പള്ളിയില് സമാപിച്ച ശേഷം സൗഹൃദ ബാന്റ് മത്സരവും ഉണ്ടായിരിക്കുമെന്ന് വികാരി ഫാദര് ലിജു പോള് പറമ്പത്ത്, അസിസ്റ്റന്റ് വികാരിമാരായ ഫാദര് എഡ്വിന് ചക്കാലമറ്റത്ത്, ഫാദര് ബെന്നറ്റ് എട്ടാടുകാരന്, ജനറല് കണ്വീനര് ലിജോ ചാതേലി, പബ്ലിസിറ്റി കണ്വീനര് ജോളി കുളങ്ങര തുടങ്ങിയവര് പങ്കെടുത്തു.
