തമിഴ് സൂപ്പര്താരം അജിത് കുമാര് നായകനാകുന്ന എ കെ 64 എന്ന സിനിമയുടെ ചിത്രീകരണം ഉടന് ആരംഭിക്കുമെന്ന് റിപ്പോര്ട്ട്. സിനിമയുടെ അപ്ഡേറ്റുകള്ക്കായി ആരാധകര് ഏറെ പ്രതീക്ഷയോടെ കാത്തിരിക്കുകയാണ്.ഗുഡ് ബാഡ് അഗ്ലി’ സംവിധായകന് ആദിക് രവിചന്ദ്രന് തന്നെയായിരിക്കും അജിത്തിന്റെ അടുത്ത സിനിമയും സംവിധാനം ചെയ്യുക എന്നാണ് റിപ്പോര്ട്ട് വരുന്നത്. മാത്രമല്ല ഗുഡ് ബാഡ് അഗ്ലി ഒരുക്കിയ മൈത്രി മൂവി മേക്കേഴ്സ് തന്നെയാകും സിനിമ നിര്മിക്കുക എന്നും സൂചനകളുണ്ട്.
ഈ അടുത്ത് നടന്ന ഒരു അഭിമുഖത്തിലാണ് എ കെ 64 നെക്കുറിച്ചുള്ള വെളിപ്പെടുത്തല് അജിത് നടത്തിയത് ഈ വര്ഷം നവംബറില് തന്റെ പുതിയ സിനിമയുടെ വര്ക്കുകള് തുടങ്ങും. അടുത്ത വര്ഷം മെയ്, ജൂണ് മാസങ്ങളിലായി ഈ ചിത്രം റിലീസ് ചെയ്യുമെന്ന് പ്രതീക്ഷിക്കുന്നതായും അഭിമുഖത്തില് അജിത് വ്യക്തമാക്കി. എന്നാല് പുതിയ സിനിമയുടെ സംവിധായകനെക്കുറിച്ചോ മറ്റു അണിയറപ്രവര്ത്തകരെക്കുറിച്ചോ നടന് ഒന്നും വെളിപ്പെടുത്തിയിരുന്നില്ല. ഗുഡ് ബാഡ് അഗ്ലിയാണ് അജിത്തിന്റേതായി അവസാനമിറങ്ങിയ ചിത്രം. ആഗോളതലത്തില് 200 കോടിക്ക് മുകളില് ചിത്രം നേടിയിരുന്നു.
