മുംബൈ: റിസര്വ് ബാങ്ക് ഓഫ് ഇന്ത്യ 2019ല് പുറത്തിറക്കിയ സോവറീന് ഗോള്ഡ് ബോണ്ട് 2019-20 സീരീസ് V നിക്ഷേപകര്ക്ക് ലഭിക്കുക വമ്പന് നേട്ടം. അഞ്ച് വര്ഷത്തിന് ശേഷമുള്ള കാലാവധി പൂര്ത്തിയാകാത്ത തിരിച്ചെടുക്കലിലൂടെ (പ്രീമെച്വര് റിഡംപ്ഷന്) നിക്ഷേപകര്ക്ക് 300 ശതമാനത്തിലേറെ റിട്ടേണ് ലഭിക്കും.
ബോണ്ട് സീരീസ് – 2019-20 സീരീസ് V
ഇഷ്യൂ ചെയ്ത തീയതി -2019 ഒക്ടോബര് 15
അന്നത്തെ വില -ഗ്രാമിന് 3,788 രൂപ
തിരിച്ചെടുക്കല് വില -ഗ്രാമിന് 15,009 രൂപ
മൊത്തം ലാഭം -ഏകദേശം 296% (വിലവര്ധന മാത്രം)
മൊത്തം നേട്ടം -300 ശതമാനത്തില് അധികം (പലിശ ഉള്പ്പെടെ)
2019 ഒക്ടോബറില് ഗ്രാമിന് 3,788 രൂപ നിരക്കില് ഈ ബോണ്ട് വാങ്ങിയവര്ക്ക്, ഇപ്പോള് അത് തിരികെ നല്കുമ്പോള് ഗ്രാമിന് 15,009 രൂപ ലഭിക്കുന്നു. അതായത് ഓരോ ഗ്രാമിനും 11,221 രൂപയാണ് ലാഭം. ഇന്ത്യ ബുളളിയന് ആന്ഡ് ജ്വല്ലേഴ്സ് അസോസിയേഷന് പ്രസിദ്ധീകരിക്കുന്ന തിരിച്ചെടുക്കല് തീയതിക്ക് തൊട്ടുമുമ്പുള്ള മൂന്ന് പ്രവൃത്തി ദിവസങ്ങളിലെ സ്വര്ണവിലയുടെ ശരാശരി കണക്കാക്കിയാണ് ആര്ബിഐ ഈ വില നിശ്ചയിച്ചത്. സ്വര്ണവിലയിലുണ്ടായ വര്ധനക്ക് പുറമെ, നിക്ഷേപകര്ക്ക് പ്രതിവര്ഷം 2.5 ശതമാനം പലിശയും ലഭിക്കുന്നുണ്ട്.
