കൊച്ചി: ഉജ്ജീവൻ സ്മോൾ ഫിനാൻസ് ബാങ്കിന്റെ യുഎസ്ഡി എഫ് സിഎൻആർ(ബി) നിക്ഷേപങ്ങളുടെ പലിശ നിരക്ക് പുതുക്കി നിശ്ചയിച്ചു. 3 മുതൽ 5 വർഷം വരെയുള്ള കാലാവധിയുള്ള നിക്ഷേപങ്ങളുടെ പലിശ നിരക്കാണ് പ്രതിവർഷം 7.50 ശതമാനമായി ഉയർത്തിയത്.
പ്രവാസികൾക്ക് മികച്ച ബാങ്കിംഗ് സേവനങ്ങളും ഉയർന്ന ലാഭവും ഉറപ്പാക്കുന്നതിനൊപ്പം രാജ്യത്തിന്റെ വിദേശനാണ്യ കരുതൽ ശേഖരം ശക്തിപ്പെടുത്താനും ലക്ഷ്യമിട്ടാണ് ഈ തീരുമാനം.
ബാങ്കിംഗ് വ്യവസ്ഥയിലേക്ക് സുസ്ഥിരമായ വിദേശ കറൻസി നിക്ഷേപങ്ങൾ ആകർഷിക്കുന്നതിനും പ്രവാസികൾക്കിടയിൽ വിശ്വാസം വർദ്ധിപ്പിക്കുന്നതിനും ആർബിഐയുടെ നയം ഒരു സുപ്രധാന ചുവടുവെപ്പാണ്. ഇതിന് പിന്തുണയുമായി ഉജ്ജീവൻ സ്മോൾ ഫിനാൻസ് ബാങ്ക് 3 മുതൽ 5 വർഷം വരെയുള്ള യുഎസ്ഡി എഫ്സിഎൻആർ(ബി) നിക്ഷേപങ്ങളുടെ പലിശ നിരക്ക് 7.50 ശതമാനമായി വർദ്ധിപ്പിച്ചിരിക്കുന്നു. ഇത് നിലവിൽ ഈ രംഗത്തെ തന്നെ ഏറ്റവും ഉയർന്ന നിരക്കുകളിൽ ഒന്നാണ്. പ്രവാസികൾക്ക് ആകർഷകമായ നിക്ഷേപ അവസരങ്ങൾ നൽകുന്നതിനൊപ്പം രാജ്യത്തിന്റെ ദീർഘകാല സാമ്പത്തിക ഭദ്രതയ്ക്ക് കരുത്തുപകരാൻ ഇതിലൂടെ സാധിക്കുമെന്ന് ഉജ്ജീവൻ സ്മോൾ ഫിനാൻസ് ബാങ്കിന്റെ റീട്ടെയിൽ ലയബിലിറ്റീസ്, ടിഎഎസ് സി & ടിപിപി വിഭാഗം മേധാവി ഹിതേന്ദ്ര ഝാ പറഞ്ഞു.
