ഒര്ലാന്റോ: ലാന്റിങിനിടെ വിമാനത്തിന്റെ മുന്നിലെ ടയര് ഊരിത്തെറിച്ചു. തലനാരിഴക്ക് രക്ഷപ്പെട്ട് യുണൈറ്റഡ് എയര്ലൈന്സ് വിമാനം. അമേരിക്കയിലെ ഒര്ലാന്റോ വിമാനത്താവളത്തിലാണ് സംഭവം.
200 യാത്രക്കാരും ആറ് ജീവനക്കാരും ഉണ്ടായിരുന്ന എയര്ബസ് 321 വിമാനത്തിന്റെ മുന്വശത്തെ രണ്ട് ചക്രങ്ങളില് ഒന്ന് ഊരിത്തെറിച്ചതോടെയാണ് സംഭവം. റണ്വേയില് വിമാനം തെന്നിയെങ്കിലും നിയന്ത്രണം നഷ്ടപ്പെടാതെ നിര്ത്താന് പൈലറ്റുമാര്ക്ക് സാധിച്ചു.
രണ്ട് ചക്രങ്ങളിലൊന്ന് തെറിച്ചുപോകാതിരുന്നതും സഹായകരമായി. അപകടത്തെ തുടര്ന്ന് റണ്വേയില് വിമാനം നിര്ത്തി. യാത്രക്കാരെ അടിയന്തിരമായി പുറത്തിറക്കി.
വിമാനം ലാന്റ് ചെയ്യുന്നതിന്റെയും ചക്രം ഊരിത്തെറിച്ച് പോകുന്നതിന്റെയും ദൃശ്യം സമൂഹമാധ്യമങ്ങളില് പ്രചരിക്കുന്നുണ്ട്.
എന്നാല് വിമാനത്തിനോ ഇതിലുണ്ടായിരുന്ന ജീവനക്കാര്ക്കോ യാത്രക്കാര്ക്കോ യാതൊന്നും സംഭവിച്ചില്ല. അതേസമയം ചക്രം ഊരിത്തെറിക്കാന് കാരണം എന്തെന്ന് വ്യക്തമായിട്ടില്ല.
യാത്രക്കാരെ പുറത്തിറക്കി ബസുകളില് വിമാനത്താവളത്തിലേക്ക് മാറ്റിയ ശേഷം വിമാനത്താവളത്തിലെ വിദഗ്ധരുടെ നേതൃത്വത്തില് റണ്വേയില് നിന്നും വിമാനത്തെ മാറ്റി.
സാങ്കേതിക തകരാര് സംബന്ധിച്ച അവ്യക്തത തുടരുകയാണ്. കാലാവസ്ഥദുര്ബലമായത് അപകടത്തിന് കാരണമെന്ന് കരുതുന്നു. ഇന്നലെ ഒര്ലാന്റോയില് ശക്തമായ മഴയും കാറ്റും തണുപ്പുമുണ്ടായിരുന്നു. 54 മൈല് വേഗത്തിലാണ് ഇവിടെ ഇന്നലെ കാറ്റ് വീശിയിരുന്നത്.
