വാഷിങ്ടന്: നിരീക്ഷണ പറക്കലിനിടെ യുഎസ് നാവികസേനയുടെ ഹെലികോപ്റ്ററും യുദ്ധവിമാനവും ദക്ഷിണ ചൈനയിലെ കടലില് തകര്ന്നു വീണു. ആളപായമില്ല. യുഎസ് പ്രസിഡന്റ് ഡോണള്ഡ് ട്രംപിന്റെ ഏഷ്യന് സന്ദര്ശനത്തിനിടെയാണ് അപകടം.
വിമാനവാഹിനിയായ യുഎസ്എസ് നിമിറ്റ്സില് നിന്ന് നിരീക്ഷണ പറക്കല് നടത്തുമ്പോഴാണ് എംഎച്ച് 60 ആര് ഹെലികോപ്റ്റര് കടലില് തകര്ന്നു വീണത്. മൂന്നു പേരെ രക്ഷപ്പെടുത്തി. 30 മിനിട്ടുകള്ക്കുശേഷമാണ് ബോയിങ് എഫ്എ18 എഫ് സൂപ്പര് ഹോണറ്റ് വിമാനം തകര്ന്നു വീണത്.
നിരീക്ഷണ പറക്കല് നടത്തുകയായിരുന്നു വിമാനം. പൈലറ്റുമാരെ രക്ഷപ്പെടുത്തി. തകര്ന്നു വീഴാനുള്ള കാരണങ്ങളെക്കുറിച്ച് അന്വേഷണം ആരംഭിച്ചതായി യുഎസ് നാവികസേന പ്രസ്താവനയില് അറിയിച്ചു.
എഫ്എ18 എഫ് വിമാനത്തിന്റെ വില 60 മില്യന് (ഏകദേശം 528 കോടി) യുഎസ് ഡോളറാണ്. അമേരിക്കന് സേനയിലെ പഴക്കമുള്ള വിമാനവാഹിനിയാണ് നിമിറ്റ്സ്. അടുത്തവര്ഷം സര്വീസില്നിന്ന് പിന്വലിക്കും.
നടത്താനും സാധ്യതയുണ്ട്.വ്യത്യസ്ത സമയങ്ങളില് നടന്ന അപകടങ്ങളെക്കുറിച്ച് യുഎസ് അന്വേഷണം ആരംഭിച്ചു.
