ന്യൂ ഡല്‍ഹി: വളം ഉല്‍പാദനത്തെ യുദ്ധം ബാധിച്ചതോടെ ചൈനയുടെ സഹായം തേടി ഇന്ത്യ. ഇന്ത്യയിലേക്കുള്ള യൂറിയ കയറ്റുമതി വര്‍ധിപ്പിക്കണമെന്ന് ചൈനയോട് ആവശ്യപ്പെട്ടതായാണ് റിപ്പോര്‍ട്ട്. യുദ്ധം തുടങ്ങിയതോടെ യൂറിയ വില ഒരാഴ്ച്ചക്കുള്ളില്‍ 21% വര്‍ധിച്ച് 3 വര്‍ഷത്തെ ഏറ്റവും ഉയര്‍ന്ന നിലയിലെത്തിയിരുന്നു. നിലവില്‍ ക്ഷാമമില്ലെങ്കിലും വരാനിരിക്കുന്ന മണ്‍സൂണ്‍ മുന്നില്‍ കണ്ട് മറ്റ് രാജ്യങ്ങളില്‍ നിന്നും യൂറിയ എത്തിക്കാനുള്ള ശ്രമത്തിലാണ് ഇന്ത്യ.