തൃശൂർ: നടൻ ടൊവിനോ തോമസിന്റെ വീടിനുമുന്നിൽ വായ മൂടിക്കെട്ടി പ്രതിഷേധ സമരം നടത്തി യുവമോർച്ച പ്രവർത്തകർ. ഡൽഹിയിൽ സമരം ചെയ്യുന്ന വിദ്യാർഥികൾക്ക് അനുകൂലമായി പ്രസ്താവന നടത്തിയതിന് പിന്നാലെയാണ് പ്രതിഷേധം. ‘കേരളത്തിലെ പി.എസ്.സി. അഴിമതിക്കെതിരേ റാങ്ക് ലിസ്റ്റിൽ ഉൾപ്പെട്ടിട്ടുള്ള യുവതീയുവാക്കൾ മണ്ണുവാരിത്തിന്ന് സമരം ചെയ്യുമ്പോഴും സ്വന്തം ജില്ലയായ തൃശ്ശൂരിൽ നഴ്സുമാർ രാപ്പകൽ സമരം നടത്തുമ്പോഴും പ്രതികരിക്കാത്ത നടൻ രാഷ്ട്രീയം നോക്കി വായ തുറന്നു’ എന്ന് മുദ്രാവാക്യം വിളിച്ചായിരുന്നു പ്രതിഷേധം.
ടൊവിനോയുടെ വീടിന് മുന്നിൽ മുദ്രവാക്യങ്ങൾ എഴുതിയ ബാനർ ഉയർത്തിയും വായ മൂടിക്കെട്ടിയുമായിരുന്നു പ്രതിഷേധം. ചെട്ടിപ്പറമ്പിൽനിന്ന് ബസ് സ്റ്റാൻഡിലേക്കുള്ള വഴിയിലെ വീടിനു മുന്നിൽ നടത്തിയ സമരം യുവമോർച്ച ജില്ലാ വൈസ് പ്രസിഡന്റ് ആശിഷ ടി. രാജ് ഉദ്ഘാടനം ചെയ്തു.
