December 21, 2025 - Whiteswan TV News

കാസർകോട് കോട്ടിക്കുളത്ത് റെയിൽവേ ട്രാക്കിൽ കോൺക്രീറ്റ് സ്ലാബ്; അപകടമൊഴിവായത് തലനാരിഴക്ക്

December 21, 2025

കാസർകോട്: കോട്ടിക്കുളത്ത് റെയിൽവേ പാളത്തിൽ സ്ലാബ് കയറ്റിവെച്ച നിലയിൽ കണ്ടെത്തി. റെയിൽവെ സ്റ്റേഷന്റെ തെക്കുഭാഗത്തുള്ള ഒന്നാം നമ്പർ പ്ലാറ്റ്‌ഫോമിനോട് ചേർന്ന ട്രാക്കിലാണ് കോൺക്രീറ്റ് സ്ലാബ് കയറ്റിവെച്ച നിലയിൽ കണ്ടത്. സംഭവം ശ്രദ്ധയിൽപ്പെട്ട യാത്രക്കാരും പ്രദേശവാസികളുമാണ് ഉടൻ സ്റ്റേഷൻ മാസ്റ്ററെ വിവരം അറിയിച്ചത്. തുടർന്ന് റെയിൽവേ ജീവനക്കാർ സ്ഥലത്തെത്തി സ്ലാബ് നീക്കം ചെയ്‌തതിനാലാണ് വൻ ദുരന്തം ഒഴിവായത്. സംഭവത്തിനു പിന്നിൽ ആരാണെന്നത് വ്യക്തമല്ല. കോട്ടിക്കുളം റെയിൽവെ സ്റ്റേഷൻ സൂപ്രണ്ടിൻ്റെ പരാതിയിൽ ബേക്കൽ പൊലീസ് കേസെടുത്ത് അന്വേഷണം ആരംഭിച്ചു. കഴിഞ്ഞ […]

ജോസ് കെമാണിക്കെതിരെ പാലായിൽ സ്വതന്ത്രർക്ക് കീഴടങ്ങിയേ തീരൂ: കോൺഗ്രസ് ജില്ലാ നേതൃത്വം

December 21, 2025

പാലാ: പാലായിൽ നാണം കെട്ടായാലും ജോസ്.കെ.മാണിയെ വീഴ്ത്തണമെന്ന് കോൺഗ്രസ് കോട്ടയം ജില്ലാ നേതൃത്വം പാലാ നഗരസഭാ കൗൺസിലർമാർക്ക് കർശന നിർദ്ദേശം നൽകിയിരിക്കുന്നു. ഇതിനായി സ്വതന്ത്രർക്ക് കീഴടങ്ങണമെന്ന് ജില്ലാ നേതൃത്വം കർശന നിർദ്ദേശവും നൽകി. ശനിയാഴ്ച്ച കോട്ടയത്ത് വിളിച്ച് ചേർന്ന കോൺഗ്രസ് കൗൺസിലർമാരുടെ യോഗത്തിലാണ് ജില്ലാ നേതൃത്വം ശക്തമായ താക്കീത് നൽകിയിരിക്കുന്നത്. നഷ്ടം ഇപ്പോൾ നോക്കേണ്ട ലാഭവും പരിഗണിക്കേണ്ട.ജോസ്.കെ.മാണിയുടെ ഭരണ സമിതി ഉണ്ടാവു വാൻ ഒരു കാരണവശാലും അനുവദിക്കില്ലെന്നാണ് ജില്ലാ നേതൃത്വത്തിൻ്റെ തീരുമാനമെന്ന് നേതൃത്വം വ്യക്തമാക്കി. എന്നാൽ ആത്മാഭിമാനം […]

മദ്യക്കുപ്പികളാൽ ക്രിസ്തുമസ് ട്രീ; ഗുരുവായൂരിൽ നഗരസഭയുടെ നടപടി പ്രതിഷേധാർഹമെന്ന് ബിജെപി

December 21, 2025

തൃശൂർ: ഗുരുവായൂർ ക്ഷേത്രത്തിനടുത്ത് മദ്യക്കുപ്പികൾ ഉപയോഗിച്ച് ക്രിസ്തുമസ് ട്രീ നിർമ്മിച്ച ഗുരുവായൂർ നഗരസഭയുടെ നടപടി പ്രതിഷേധാർഹമാണെന്ന് നഗരസഭയിലെ ബിജെപി അംഗം ശോഭാ ഹരിനാരായണൻ ആരോപിച്ചു. നഗരസഭാംഗങ്ങളുടെ സത്യപ്രതിജ്ഞയ്ക്ക് പിന്നാലെ, തീർത്ഥാടന നഗരിയായ ഗുരുവായൂരിൽ മദ്യക്കുപ്പികൾ കൊണ്ട് ക്രിസ്തുമസ് ട്രീ സ്ഥാപിച്ചത് ജനങ്ങൾക്ക് നൽകുന്ന സന്ദേശമെന്താണെന്ന് ഇതിന് പിന്നിൽ പ്രവർത്തിച്ചവർ വ്യക്തമാക്കണമെന്നും അവർ ആവശ്യപ്പെട്ടു. മഹത്തായ സന്ദേശങ്ങൾ പകരുന്ന ക്രിസ്തുമസ് ആഘോഷങ്ങളെ ഇത്തരം നടപടികളിലൂടെ അവഹേളിക്കുകയാണ് നഗരസഭ ചെയ്തിരിക്കുന്നതെന്നും ശോഭാ ഹരിനാരായണൻ വിമർശിച്ചു.

ബെവ്കോയിൽ നിന്ന് മദ്യം മോഷ്‌ടിച്ച യുവാവ് പിടിയിൽ

December 21, 2025

മലപ്പുറം: നിലമ്പൂരിലെ ബെവ്കോയിൽ നിന്ന് വില കൂടിയ മദ്യക്കുപ്പികള്‍ മോഷ്ടിച്ച യുവാവിനെ നിലമ്പൂര്‍ പൊലീസ് അറസ്റ്റ് ചെയ്തു. നമ്പൂരിപ്പൊട്ടി സ്വദേശി വലിയാട്ട് മുഹമ്മദ് ഷെഹിനെയാണ് (20) നിലമ്പൂര്‍ എസ്.ഐ പി. ടി. സൈഫുള്ളയുടെ നേതൃത്വത്തിൽ അറസ്റ്റ് ചെയ്തത്. കഴിഞ്ഞ മാസം 30നായിരുന്നു സംഭവം. വില കൂടിയ മദ്യക്കുപ്പികള്‍ വില്‍ക്കുന്ന ബെവ്കോയുടെ പ്രീമിയം കൗണ്ടറിലാണ് മോഷണം നടന്നത്. പ്രതിയും സുഹൃത്തും ഷോപ്പില്‍ പ്രവേശിച്ച് ഒരാള്‍ ജീവനക്കാരന്റെ ശ്രദ്ധ തിരിക്കുകയും രണ്ടാമത്തെയാള്‍ മദ്യക്കുപ്പികള്‍ പ്രത്യേക അറകളുള്ള പാന്റില്‍ ഒളിപ്പിച്ച് കടത്തുകയുമായിരുന്നു. […]

കാട്ടകാമ്പാലിൽ നിയുക്ത മെമ്പർ മോനിഷ രജീഷ് പുഷ്പാർച്ചന നടത്തി

December 21, 2025

തൃശ്ശൂർ : കാട്ടകാമ്പാൽ പഞ്ചായത്തിലെ എട്ടാം വാർഡിൽ നിയുക്ത മെമ്പറായ മോണിഷ രജീഷ് സത്യപ്രതിജ്ഞയ്ക്ക് മുന്നോടിയായി മരിച്ചുപോയ പാർട്ടി പ്രവർത്തകർക്ക് പുഷ്പാർച്ചന നടത്തി. അയിനൂർ ഏകചക്ര സെന്ററിൽ സംഘടിപ്പിച്ച ചടങ്ങിലാണ് അനുസ്മരണ പരിപാടി നടന്നത്. പ്രവർത്തകരുടെ ത്യാഗങ്ങളും സംഭാവനകളും അനുസ്മരിച്ചുകൊണ്ട് പുഷ്പാർച്ചന അർപ്പിച്ച ശേഷം പ്രവർത്തകർ മുദ്രാവാക്യം വിളികളോടെ ആവേശം പകർന്നു. പ്രദേശത്തെ നിരവധി പ്രവർത്തകർ ചടങ്ങിൽ പങ്കെടുത്തു. ഐക്യവും സംഘടനാ ശക്തിയും പ്രകടിപ്പിച്ച ഈ അനുസ്മരണ പരിപാടി ശ്രദ്ധേയമായി.

കാട്ടാകമ്പാൽ പഞ്ചായത്തിൽ ബിജെപി ഇലക്ഷൻ അവലോകന യോഗം സംഘടിപ്പിച്ചു

December 21, 2025

തൃശ്ശൂർ: ഭാരതീയ ജനതാ പാർട്ടി കാട്ടാകമ്പാൽ പഞ്ചായത്തിലെ തെരഞ്ഞെടുപ്പ് പ്രവർത്തനങ്ങൾ വിലയിരുത്തുന്നതിനായി ബിജെപി ഇലക്ഷൻ അവലോകന യോഗം സംഘടിപ്പിച്ചു. ബിജെപി നോർത്ത് ജില്ലാ സെക്രട്ടറി അഡ്വ. സോഫിയ ശ്രീജിത്ത് അധ്യക്ഷയായി. കഴിഞ്ഞ തെരഞ്ഞെടുപ്പിലെ പ്രവർത്തനങ്ങൾ, വോട്ടിംഗ് നില, സംഘടനാ പ്രവർത്തനങ്ങളിലെ ശക്തിയും ദൗർബല്യവും യോഗത്തിൽ വിശദമായി ചർച്ച ചെയ്തു.ബിജെപി മണ്ഡലം പ്രസിഡന്റ് ജെബിൻ പി.ജെ., മണ്ഡലം സെക്രട്ടറി ബൈജു പട്ടിത്തടം, ബിജെപി പഞ്ചായത്ത് വൈസ് പ്രസിഡന്റ് അരുൺ ഗഗനൻ, ന്യൂനപക്ഷ മോർച്ച ജില്ലാ ജനറൽ സെക്രട്ടറി സാജു […]

മരണമുഖത്തുനിന്ന് ജീവിതത്തിലേക്ക്; സങ്കീർണ്ണ ശസ്ത്രക്രിയകളിലൂടെ തമിഴ്നാട് സ്വദേശിക്ക് പുനർജന്മം

December 21, 2025

കോട്ടയം: ബൈക്ക് അപകടത്തിൽ ഗുരുതരമായി പരിക്കേറ്റ് മരണമുഖത്തെത്തിയ 27-കാരനായ തമിഴ്‌നാട് സ്വദേശിക്ക് മാർ സ്ലീവാ മെഡിസിറ്റി പാലായിലെ വിദഗ്ധ ചികിത്സയിലൂടെ പുനർജന്മം. 2025 ഓഗസ്റ്റ് 28നുണ്ടായ അപകടത്തിന് പിന്നാലെ അതീവ ഗുരുതരാവസ്ഥയിലാണ് യുവാവിനെ ആശുപത്രിയിൽ എത്തിച്ചത്. പരിശോധനയിൽ പാൻക്രിയാസിന്റെ മധ്യഭാഗത്ത് ചതവ്, ഇടത് വൃക്കയ്ക്ക് ഗുരുതര പരിക്ക്, ആന്തരിക രക്തസ്രാവം എന്നിവ കണ്ടെത്തി. ഇന്റർവെൻഷണൽ റേഡിയോളജി വിഭാഗം മേധാവി ഡോ. രാജേഷ് ആന്റണിയുടെ നേതൃത്വത്തിൽ അടിയന്തരമായി പിഗ്‌ടെയിൽ ഡ്രെയിൻ സ്ഥാപിച്ച് വയറിനകത്തെ രക്തം നീക്കം ചെയ്തത് ചികിത്സയിൽ […]

കുന്നംകുളം നഗരസഭയിൽ പുതുതായി തിരഞ്ഞെടുക്കപ്പെട്ട കൗൺസിലർമാർ സത്യപ്രതിജ്ഞ ചെയ്തു

December 21, 2025

തൃശ്ശൂർ: കുന്നംകുളം നഗരസഭയിലെ പുതുതായി തിരഞ്ഞെടുക്കപ്പെട്ട കൗൺസിലർമാരുടെ സത്യപ്രതിജ്ഞാ ചടങ്ങ് ഇന്ന് കുന്നംകുളം ടൗൺ ഹാളിൽ നടന്നു. റിട്ടേണിംഗ് ഓഫീസറും ജില്ലാ മണ്ണുസംരക്ഷണ ഓഫീസറുമായ താര മനോഹരൻ അധ്യക്ഷത വഹിച്ചു. മുതിർന്ന കൗൺസിലർ പുഷ്പ ജോൺ ആദ്യം സത്യപ്രതിജ്ഞ ചെയ്തു. തുടർന്ന് 38 കൗൺസിലർമാർക്കും പുഷ്പ ജോൺ സത്യവാചകം ചൊല്ലിക്കൊടുത്ത് പ്രതിജ്ഞയെടുപ്പിച്ചു. ചടങ്ങിൽ മുനിസിപ്പൽ സെക്രട്ടറി കെ. കെ. മനോജ് സ്വാഗതം പറഞ്ഞു. മുനിസിപ്പൽ എഞ്ചിനീയർ ബിനോയ് ബോസ് നന്ദി അറിയിച്ചു. നഗരസഭയിലെ ഭരണ ചുമതലകൾ ഏറ്റെടുക്കുന്നതിനുള്ള […]

കുമരകം കലാഭവൻ ക്രിസ്മസ്-പുതുവത്സര ആഘോഷം 23ന്

December 21, 2025

കോട്ടയം: കുമരകം കലാഭവന്റെ നേതൃത്വത്തിലുള്ള ക്രിസ്മസ്- പുതുവത്സര ആഘോഷങ്ങൾ ഡിസംബർ 23 ചൊവ്വാഴ്ച വൈകുന്നേരം 5 മണിക്ക് കലാഭവൻ അങ്കണത്തിൽ നടക്കും. കുമരകം വള്ളാറ സെന്റ് ജോൺസ് പുത്തൻപള്ളി വികാരി റവ. ഫാദർ ഫിലിപ്പ് കാരിശ്ശേരിങ്കൽ ചടങ്ങിൽ ക്രിസ്മസ്- പുതുവത്സര സന്ദേശം നൽകും. കലാഭവൻ പ്രസിഡന്റ് എം.എൻ. ഗോപാലൻ ശാന്തി അധ്യക്ഷത വഹിക്കുന്ന യോഗത്തിൽ കുമരകം ഗ്രാമപഞ്ചായത്ത് അംഗം കെ.ജി. ബിനു മുഖ്യാതിഥിയായിരിക്കും. കലാഭവൻ വർക്കിംഗ് പ്രസിഡന്റ് ടി.കെ. ലാൽ ജ്യോത്സ്യർ, സെക്രട്ടറി എസ്.ഡി. പ്രേംജി, വൈസ് […]

കോഴിക്കോട് പിതാവ് മകനെ കുത്തി പരിക്കേൽപ്പിച്ചു

December 21, 2025

കോഴിക്കോട്: കോഴിക്കോട് പിതാവ് മകനെ കുത്തി പരിക്കേൽപ്പിച്ചു. പള്ളിക്കണ്ടി സ്വദേശി യാസിൻ അറാഫത്തിനാണ് കുത്തേറ്റത്. പരിക്കേറ്റ അറഫാത്തിനെ ആശുപത്രയിൽ പ്രവേശിപ്പിച്ചു. കോഴിക്കോട് മൂന്നാലിങ്കലിലാണ് സംഭവം നടന്നത്. സംഭവത്തിൽ യാസിന്‍റെ പിതാവ് അബൂബക്കര്‍ സിദ്ദീഖും മറ്റൊരു മകൻ മുഹമ്മദ് ജാബിറും കസ്റ്റഡിയിലായി. അതേസമയം, മകൻ യാസിൻ ആക്രമിക്കാൻ ശ്രമിച്ചപ്പോള്‍ താനും മകനും ചേര്‍ന്ന് പ്രതിരോധിച്ചതാണെന്നാണ് മൊഴി. മകൻ യാസിൻ നിരന്തരം ആക്രമിക്കാൻ ശ്രമിക്കുന്നതായി കാണിച്ച് പിതാവ് നേരത്തെ പൊലീസിൽ പരാതി നൽകിയിരുന്നു.