January 8, 2026 - Whiteswan TV News

സൂഷ്മജീവികളെ നിരീക്ഷണം മുതൽ പാചകം വരെ വ്യത്യസ്തത പുലർത്തി അന്നനാട്ടിലെ കുട്ടികളുടെ ക്യാമ്പ്

January 8, 2026

തൃശ്ശൂർ: അവധിക്കാലത്ത് സൂക്ഷ്മ ജീവികളെ നിരീക്ഷിക്കുന്നത് മുതൽ പാചകം വരെ സ്വന്തമായി ചെയ്ത് മികവ് തെളിയിക്കുകയാണ് അന്നനാട്ടിലെ ബാലവേദി ക്യാമ്പിലെ കുട്ടികൾ. അന്നനാട് ഗ്രാമീണ വായനശാലയുടെ നേതൃത്വത്തിൽ സംഘടിപ്പിച്ച വായന കളരി അവധിക്കാല ക്യാമ്പിലാണ് ഇത്തരം വ്യത്യസ്തമാർന്ന പ്രവർത്തനങ്ങൾ ഉൾപ്പെടുത്തിയത്. വർഷങ്ങളായി വായനശാലയുടെ നേതൃത്വത്തിൽ അവധിക്കാല ക്യാമ്പുകൾ നടന്നു വരാറുണ്ട്. കലാ പരിശീലനം ആണ് മുഖ്യമായും ക്യാമ്പുകളുടെ ലക്ഷ്യം. എന്നാൽ ഇത്തവണ ലൈബ്രറി കൗൺസിൽ വായനശാലയിലെ ബാലവേദി മെന്റർമാർക്ക് നൽകിയ പരിശീലനവും കൂടിയാണ് ക്യാമ്പിനെ കുറച്ചുകൂടി വ്യത്യസ്തമാക്കുവാൻ […]

നടൻ രഘു കളമശ്ശേരി അന്തരിച്ചു

January 8, 2026

കൊച്ചി: മിമിക്രി കലാകാരനും നടനുമായ രഘു കളമശ്ശേരി അന്തരിച്ചു. ഹൃദയസംബന്ധമായ അസുഖത്തെ തുടർന്നാണ് അന്ത്യം. കടവന്ത്രയിലെ ഇന്ദിരാഗാന്ധി സഹകരണ ആശുപത്രിയിൽ ചികിത്സയിലിരിക്കെയാണ് മരണം സംഭവിച്ചത്. ഏഷ്യാനെറ്റ് സംപ്രേഷണം ചെയ്ത ഹാസ്യപരമ്പരയായ സിനിമാലയിലൂടെ രഘു ശ്രദ്ധേയനായിരുന്നു. പരമ്പരയിൽ മുൻ മുഖ്യമന്ത്രി ഉമ്മൻചാണ്ടിയുടെ അപരനായാണ് അദ്ദേഹം പ്രേക്ഷകരുടെ പ്രിയങ്കരനായത്. സ്റ്റേജ് ഷോകളിലും വിവിധ പരിപാടികളിലും ഉമ്മൻചാണ്ടിയുടെ അപരനായി രഘു ഏറെ പ്രശംസ നേടിയിരുന്നു. കളമശ്ശേരി നേവൽ ബേസിൽ ഉദ്യോഗസ്ഥനായി സേവനമനുഷ്ഠിച്ചിരുന്ന രഘു, കലാരംഗത്തും ഉദ്യോഗസ്ഥ ജീവിതത്തിലും ഒരുപോലെ സജീവമായിരുന്നു.

ശബരിമല സ്വര്‍ണക്കൊള്ളയിൽ ഡി മണിക്ക് പങ്കില്ലെന്ന് എസ്ഐടി റിപ്പോർട്ട്

January 8, 2026

തിരുവനന്തപുരം: ശബരിമല സ്വർണക്കൊള്ള കേസിൽ ഡി മണിക്ക് പങ്കില്ലെന്ന് പ്രത്യേക അന്വേഷണ സംഘം എസ്ഐടിയുടെ റിപ്പോര്‍ട്ട്. ഹൈക്കോടതിയിൽ സമര്‍പ്പിച്ച റിപ്പോര്‍ട്ടിലാണ് പരാമര്‍ശമുള്ളത്. പ്രവാസി വ്യവസായിയുമായുള്ള ഡി മാണിയുടെ ബന്ധം തെളിയിക്കാൻ കഴിഞ്ഞില്ല.

കരിപ്പൂർ വില്ലേജ് ഓഫീസിൽ വിജിലൻസിൻറെ മിന്നൽ പരിശോധന; കണ്ടെത്തിയത് കണക്കിൽപ്പെടാത്ത പണവും മദ്യവും

January 8, 2026

തിരുവനന്തപുരം: തിരുവനന്തപുരം നെടുമങ്ങാട് കരിപ്പൂർ വില്ലേജ് ഓഫീസിൽ വിജിലൻസ് നടത്തിയ മിന്നൽ പരിശോധനയിൽ കണക്കിൽപ്പെടാത്ത പണവും മദ്യവും കണ്ടെത്തി. ഭൂമി ഇടപാടുകള്‍ക്ക് ഇടനിലക്കാർ വഴിയും നേരിട്ടും ഉദ്യോഗസ്ഥർ കൈക്കൂലി വാങ്ങുന്നുവെന്ന രഹസ്യവിവരത്തെ തുടർന്നാണ് വിജിലൻസ് മിന്നൽ പരിശോധന നടത്തിയത്. തിരുവനന്തപുരം സ്പെഷ്യൽ ഇൻവെസ്റ്റിഗേഷൻ യൂണിറ്റ്- രണ്ടാണ് പരിശോധന നടത്തിയത്. ഇടപാടുകള്‍ക്ക് കൈക്കൂലി വാങ്ങുന്നുവെന്ന രഹസ്യവിവരത്തില്‍ കരിപ്പൂർ വില്ലേജ് ഓഫീസ് കുറേ നാളുകളായി വിജിലൻസിന്‍റെ നിരീക്ഷണത്തിലായിരുന്നു. ഇന്നെലെ ചില ഏജന്‍റുമാർ ഓഫീസിൽ വന്നു പോവുകയും ചെയ്തു. ഉച്ചക്ക് ശേഷം […]

സ്കൂളിൽ മോഷണം നടത്തിയ പ്രതികൾ പിടിയിൽ

January 8, 2026

കൊല്ലം: കുളത്തൂപ്പുഴ ഗ്രാമപഞ്ചായത്തിന്‍റെ നിയന്ത്രണത്തിൽ പ്രവർത്തിക്കുന്ന പട്ടികവർഗ്ഗ സ്കൂളിൽ മോഷണം നടത്തിയവർ പിടിയിൽ. ചെറുകര ആർജിഎം എൽപി സ്കൂളിലെ സ്മാർട്ട് ക്ലാസ് റൂമിൽ സ്ഥാപിച്ചിരുന്ന സ്പീക്കറുകൾ, മിക്സർ തുടങ്ങിയവ മോഷ്ടിച്ച യുവാക്കളാണ് പിടിയിലായത്. പ്രദേശവാസികളായ ചെറുകര അനന്തു ഭവനിൽ അനന്തു രാജ് (29), പൊൻപാതിര മുകളിൽ ബിനു (36 ) എന്നിവരെയാണ് കുളത്തൂപ്പുഴ പൊലീസ് അറസ്റ്റ് ചെയ്തത്. കഴിഞ്ഞ മാസം 28നായിരുന്നു മോഷണം. സ്കൂൾ അധികൃതരുടെ പരാതിയിൽ കുളത്തൂപ്പുഴ പോലീസ് കേസെടുത്തിരുന്നു. അന്വേഷണം നടത്തുന്നതിനിടെ മോഷണ മുതൽ […]

സ്കൂട്ടറിൽ പോവുന്നതിനിടെ മരക്കൊമ്പ് പൊട്ടിവീണു; യുവാവിന് ദാരുണാന്ത്യം

January 8, 2026

തിരുവനന്തപുരം: പാലോട്–ഇടിഞ്ഞാർ റോഡിൽ ഉണങ്ങിയ മരക്കൊമ്പ് ഒടിഞ്ഞു വീണ് സ്കൂട്ടർ യാത്രക്കാരൻ മരിച്ചു. ഇടിഞ്ഞാർ സ്വദേശി ഹർഷകമാർ എന്ന ഷൈജു ആണ് മരിച്ചത്. ഇന്നലെ രാത്രി ബ്രൈമൂർ–പാലോട് റൂട്ടിലെ മുല്ലച്ചൽ വളവിലാണ് അപകടം സംഭവിച്ചത്. റോഡുവക്കിൽ ഉണങ്ങി നിന്ന മാഞ്ചിയം മരം ഒടിഞ്ഞ് ടൂവീലറിൽ പിൻസീറ്റ് യാത്രക്കാരനായിരുന്ന ഷൈജുവിന്റെ തലയിലേക്ക് പതിക്കുകയായിരുന്നു. തലക്ക് ഗുരുതരമായി പരിക്കേറ്റ ഷൈജു സംഭവ സ്ഥലത്തുതന്നെ മരിച്ചു. സുഹൃത്തിന്റെ മകളുടെ വിവാഹ റിസപ്ഷനിൽ പങ്കെടുത്ത് വീട്ടിലേക്ക് മടങ്ങുന്നതിനിടെയാണ് ദാരുണമായ സംഭവം നടന്നത്. ഉടൻ […]

കമിതാക്കളെ ലോഡ്ജ്മുറിയിൽ മരിച്ച നിലയിൽ കണ്ടെത്തി

January 8, 2026

തിരുവനന്തപുരം: വിതുരയില്‍ കമിതാക്കളെ ലോഡ്ജ് മുറിയിൽ മരിച്ച നിലയിൽ കണ്ടെത്തി. മാരായമുട്ടം സ്വദേശി സുബിന്‍ (28) , ആര്യന്‍കോട് സ്വദേശിനി മഞ്ജു (31) എന്നിവരാണ് മരിച്ചത്. വിവാഹിതരായ ഇരുവരും തമ്മില്‍ അടുപ്പത്തിലായിരുന്നുവെന്നും ബന്ധം ഇരുവരുടെയും വീട്ടില്‍ അറിഞ്ഞതിനെതുടര്‍ന്ന് പ്രശ്‌നങ്ങള്‍ ഉണ്ടായിരുന്നതായും പൊലീസ് പറഞ്ഞു. ആത്മഹത്യയാണെന്നാണ് പ്രാഥമിക നിഗമനം. സുബിനെ കാണാതായതിന് മാരായമുട്ടത്തും മഞ്ജുവിനെ കാണാതായതിന് ആര്യങ്കോടും പൊലീസ് കേസ് എടുത്തിരുന്നു. ഇന്നെലെ ഉച്ചയോടെ വിതുരയ്ക്ക് സമീപമുള്ള ലോഡ്ജ് മുറിയിലാണ് ഇരുവരെയും മരിച്ച നിലയിൽ കണ്ടെത്തിയത്. ലോഡ്ജിലെ ജീവനക്കാർ […]

ശബരിമല സ്വർണക്കൊള്ള; പത്മകുമാറിന്റെയും ഗോവർദ്ധന്റെയും ജാമ്യാപേക്ഷ ഹൈക്കോടതി വീണ്ടും പരിഗണിക്കും

January 8, 2026

തിരുവനന്തപുരം: ശബരിമല സ്വർണക്കൊള്ള കേസിൽ ഉൾപ്പെട്ട രണ്ട് പ്രതികളുടെ ജാമ്യാപേക്ഷകൾ ഹൈക്കോടതി ഇന്ന് വീണ്ടും പരിഗണിക്കും. തിരുവിതാംകൂർ ദേവസ്വം ബോർഡ് മുൻ പ്രസിഡന്റ് എ. പത്മകുമാർ, സ്വർണ്ണവ്യാപാരി നാഗ ഗോവർദ്ധൻ എന്നിവരുടെ ജാമ്യാപേക്ഷകളിലാണ് ജസ്റ്റിസ് എ. ബദറുദ്ദിൻ വാദം കേൾക്കുക. സ്വർണക്കൊള്ളയിൽ തങ്ങൾക്ക് പങ്കില്ലെന്നാണ് രണ്ട് പ്രതികളും കോടതിയെ അറിയിച്ചിരിക്കുന്നത്. എന്നാൽ എ. പത്മകുമാറിനെതിരെ നിരവധി നിർണായക തെളിവുകൾ ലഭിച്ചിട്ടുണ്ടെന്നാണ് പ്രത്യേക അന്വേഷണ സംഘം ഹൈക്കോടതിയെ അറിയിച്ചത്. പത്മകുമാർ നൽകിയ മൊഴിയും അന്വേഷണത്തിൽ ശേഖരിച്ച തെളിവുകളും തമ്മിൽ […]

ഉണ്ണി മുകുന്ദനെ പാലക്കാട് പരിഗണിച്ച് ബിജെപി

January 8, 2026

പാലക്കാട്: പാലക്കാട് നിയമസഭാ മണ്ഡലത്തിൽ ബിജെപി സ്ഥാനാർത്ഥിയായി നടൻ ഉണ്ണി മുകുന്ദൻ അടക്കമുള്ള പ്രമുഖരെ പരിഗണിക്കുന്നതായി സൂചന. പ്രാഥമിക വിലയിരുത്തലിൽ ഉണ്ണി മുകുന്ദന് വിജയസാധ്യതയുണ്ടെന്ന വിലയിരുത്തലാണ് പാർട്ടി വൃത്തങ്ങളിൽ ഉയരുന്നത്. കെ. സുരേന്ദ്രൻ, പ്രശാന്ത് ശിവൻ, അഡ്വ. ഇ. കൃഷ്ണദാസ് എന്നിവരുടെ പേരുകളും സ്ഥാനാർത്ഥി പട്ടികയിൽ ഉൾപ്പെട്ടിട്ടുണ്ട്. അതേസമയം, ശോഭാ സുരേന്ദ്രന് പാലക്കാട് മണ്ഡലത്തിൽ മത്സരിക്കാനുള്ള താൽപര്യമില്ലെന്ന സൂചനകളും പുറത്തുവരുന്നുണ്ട്. സ്ഥാനാർത്ഥി സംബന്ധിച്ച അന്തിമ തീരുമാനങ്ങൾ പാർട്ടിയുടെ കേന്ദ്ര നേതൃത്വമാണ് കൈക്കൊള്ളുക.

മെഡിക്കൽ കോളേജിലെ വേണുവിന്റെ മരണം; നിർണായക അന്വേഷണ റിപ്പോർട്ട് പുറത്ത്

January 8, 2026

തിരുവനന്തപുരം: തിരുവനന്തപുരം മെഡിക്കൽ കോളേജിലെ വേണുവിന്റെ മരണത്തിൽ നിർണായക അന്വേഷണ റിപ്പോർട്ട് പുറത്ത്. ചികിത്സ നൽകിയ വിവിധ ആശുപത്രികളിൽ ഗുരുതര വീഴ്ചകൾ ഉണ്ടായതായി റിപ്പോർട്ട് വ്യക്തമാക്കുന്നു. സിഎച്ച്സി തലത്തിൽ നിന്ന് ജില്ലാ ആശുപത്രിയിലേക്കും തുടർന്ന് തിരുവനന്തപുരം മെഡിക്കൽ കോളേജിലേക്കും ചികിത്സാ നടപടികളിൽ തുടർച്ചയായ പിഴവുകൾ ഉണ്ടായെന്നാണ് അന്വേഷണ കണ്ടെത്തൽ. ജില്ലാ ആശുപത്രിയിൽ ആവശ്യമായ അടിയന്തര ചികിത്സ നൽകുന്നതിൽ വീഴ്ച സംഭവിച്ചതായും റിപ്പോർട്ടിൽ ചൂണ്ടിക്കാട്ടുന്നു. തിരുവനന്തപുരം മെഡിക്കൽ കോളേജിലും ചികിത്സാ പിഴവുകൾ ഉണ്ടായതായാണ് വിലയിരുത്തൽ. ഗുരുതര വീഴ്ചകൾ കണ്ടെത്തിയിട്ടുണ്ടെങ്കിലും […]