ബര്മിങ്ങാം: ഇംഗ്ലണ്ടിനെതിരായ രണ്ടാം ടെസ്റ്റില് ഇന്ത്യക്ക് ബാറ്റിങ്. ടോസ് നേടിയ ഇംഗ്ലണ്ട് ബൗളിങ് തിരഞ്ഞെടുത്തു. ആദ്യ ടെസ്റ്റില് പരാജയപ്പെട്ട ഇന്ത്യന് ടീമിന് ബര്മിങ്ങാം ടെസ്റ്റ് നിര്ണായകമാണ്.
മൂന്ന് മാറ്റങ്ങളാണ് ഇന്ത്യന് ടീമിലുള്ളത്. നിതീഷ് റെഡ്ഡി, ആകാശ് ദീപ്, വാഷിങ്ടണ് സുന്ദര് എന്നിവര് ടീമില് ഇടംപിടിച്ചു. അതേസമയം പേസര് ജസ്പ്രീത് ബുംറ കളിക്കുന്നില്ല. ജോലിഭാരം കണക്കിലെടുത്ത് താരത്തിന് വിശ്രമം അനുവദിച്ചിരിക്കുകയാണ്. യുവതാരം സായ് സുദര്ശനും ശാര്ദുല് താക്കൂറും ടീമില് നിന്ന് പുറത്തായി. അവസാന പത്ത് ടെസ്റ്റുകളിലെ കണക്ക് ഇക്കാര്യം വ്യക്തമാക്കുന്നു. പേസര്മാര് 227 വിക്കറ്റാണ് തെറിപ്പിച്ചത്. സ്പിന്നര്മാര്ക്ക് കിട്ടിയത് 53 വിക്കറ്റ് മാത്രം. എഡ്ജ്ബാസ്റ്റണില് ഇതുവരെ ടെസ്റ്റില് ജയിക്കാന് ഇന്ത്യന് ടീമിന് ആയിട്ടില്ല. ശുഭ്മാന് ഗില്ലിനും സംഘത്തിനും ആദ്യജയമെന്ന നേട്ടം സ്വന്തമാകുമോയെന്നാണ് ക്രിക്കറ്റ് ലോകം ആകാംക്ഷയോടെ നോക്കിയിരിക്കുന്നത്.
തിരിച്ചടികള്മാത്രം നേരിട്ട വേദിയിലേക്കാണ് ആദ്യമത്സരത്തിലെ തോല്വിയുടെ പ്രതിസന്ധിയില് ഇന്ത്യന് ടീം കളിക്കാനിറങ്ങുന്നത്.
