കണ്ണൂര്: ഗള്ഫിലേക്ക് കൊണ്ടുപോകാനായി അയല്വാസി ഏല്പ്പിച്ച അച്ചാര് കുപ്പിയില് ലഹരിമരുന്ന്. ചക്കരക്കല് ഇരിവേരി കണയന്നൂരിലെ മിഥിലാജിന്റെ വീട്ടില് അയല്വാസി ജിസിന് ഏല്പ്പിച്ച കുപ്പിയിലാണ് ലഹരിമരുന്ന് കണ്ടെത്തിയത്. എംഡിഎംഎ, ഹാഷിഷ് ഓയില് എന്നിവയാണ് അച്ചാര് കുപ്പിയില് ഒളിപ്പിച്ച നിലയിലുണ്ടായിരുന്നത്. സംഭവവുമായി ബന്ധപ്പെട്ട് മൂന്നു പേരെ ചക്കരക്കല് പൊലീസ് അറസ്റ്റ് ചെയ്തു.
നാളെ സൗദി അറേബ്യയിലേക്ക് പോകാനിരിക്കുന്ന മിഥിലാജിന്റെ വീട്ടില് ഇന്നലെ രാത്രിയാണ് ജിസിന് കുപ്പി ഏല്പ്പിച്ചത്. മിഥിലാജിന്റെ ഒപ്പം ജോലി ചെയ്യുന്ന ആള്ക്ക് കൊടുക്കാനായിരുന്നു കുപ്പി. അച്ചാര് കുപ്പിക്ക് സീല് ഇല്ലാതിരുന്നതാണ് വീട്ടുകാര്ക്ക് സംശയം തോന്നാന് കാരണം. തുടര്ന്ന് അച്ചാര് മറ്റൊരു പാത്രത്തിലേക്ക് മാറ്റിയപ്പോഴാണ് ചെറിയ പ്ലാസ്റ്റിക് കവറിലാക്കി ലഹരി മരുന്ന് ഒളിപ്പിച്ചതായി കണ്ടെത്തിയത്. സംശയം തോന്നിയ വീട്ടുകാര് പൊലീസിനെ അറിയിക്കുകയായിരുന്നു.
പൊലീസെത്തി പരിശോധിച്ചപ്പോള് എംഡിഎംഎ ആണെന്നും 2.6 ഗ്രാം തൂക്കമുണ്ടെന്നും കണ്ടെത്തി. 3.4 ഗ്രാം ഹാഷിഷും ഉണ്ടായിരുന്നു. സംഭവവുമായി ബന്ധപ്പെട്ട് ചക്കരക്കല് സ്വദേശികളായ കെ.പി.അര്ഷദ് (31), കെ.കെ.ശ്രീലാല് (24), പി. ജിസിന് എന്നിവരെ പൊലീസ് അറസ്റ്റു ചെയ്തു. കൂടുതല് അന്വേഷണം നടക്കുകയാണ്.
