ബംഗളൂരു: ധര്മ്മസ്ഥല ആക്ഷന് കൗണ്സില് ചെയര്മാന് മഹേഷ് തിമ്മരോടി അറസ്റ്റില്. ഉഡുപ്പി ബ്രഹ്മാവര് പൊലീസാണ് ഉജ്ജിരെയിലെ വീട്ടില് നിന്ന് അറസ്റ്റ് ചെയ്തതത്. ബിജെപി നേതാവ് ബിഎല് സന്തോഷിനെതിരെ അപകീര്ത്തികരമായ പ്രസ്താവന നടത്തിയതിനെ തുടര്ന്നാണ് നടപടി. ചോദ്യം ചെയ്യലിന് ഹാജരാകാന് ആവശ്യപ്പെട്ട് പൊലീസ് നോട്ടീസ് നല്കിയിരുന്നു. ഹാജരാകാതിരുന്നതോടെയാണ് പൊലീസ് തിമ്മരോടിയെ അറസ്റ്റ് ചെയ്തത്. അതേസമയം, തന്റെ അറസ്റ്റിന് പിന്നില് ഗൂഢാലോചനയെന്ന് തിമ്മരോടിയുടെ പ്രതികരണം. ധര്മസ്ഥലയിലെ എസ്ഐടി അന്വേഷണം അവസാനിപ്പിക്കാനുള്ള നീക്കമാണെന്നും തിമ്മരോടി പറഞ്ഞു.
